Íslendingar í ánauð

Þess vegna kom skjaldborgin aldrei

2009-08-02T10:37:00.000-07:00

Það mátti ekki hrófla við skuldum heimilanna því þær reiknast sem eignir hjá bönkunum.

Hefur enginn sagnfræðingur áhuga á að skoða af hverju ekki er virkur húsaleigumarkaður á Íslandi eins og á hinum Norðurlöndunum?
Séreignastefnan hér á landi var undirritað samkomulag á milli ríkisvaldsins og verkalýðshreyfingarinnar. Ákveðið var að allir eiga að kaupa íbúð. Líka sá hluti launafólks, sem margt ræður ekki við íbúðakaup, þ.e. ef eitthvað kemur uppá: veikindi, flutningur á milli landshluta, aðrar breytingar, og á aldrei varasjóði til að grípa í.
Margir einstaklingar fara í gjaldþrot, bara vegna þess að þeir réðu ekki við að kaupa íbúð.
Á Íslandi kaupa sér húsnæði nærri 90% af þjóðinni. Restin er á Búseta- og leigumarkaði, bæði félagslegum og einkamarkaði.
Á Norðurlöndunum er þetta nálægt þriðjungur, þ.e. 1.leigumarkaður, 2. kaupleiga, 3. séreign.
Af hverju þarf ungt fólk á Íslandi, sem stofnar fjölskyldu að byrja á því að skuldbinda sig til íbúðakaupa og vinna síðan ótæpilega á meðan börnin eru lítil og þurfa á foreldrum sínum óþreyttum að halda?

Nú á loksins að fara að hjálpa heimilunum því búið er að reikna út virði bankanna!
En lítið verður hægt að gera fyrir fjölskyldurnar því 2 af 3 bönkum fara í eigu kröfuhafa og varla fara kaupahéðnar að gefa af eigum sínum!
Nálægt 90% íbúðarhúsnæðis á Íslandi er í séreign. Það þýðir að 10% af íbúðarhúsnæði er leiguhúsnæði eða búsetahúsnæði. Ef 90% heimila í landinu er með íbúðalán, veðlán og yfirdrátt hjá bönkunum þá gefur auga leið að engin ríkisstjórn vildi fella niður eitthvað af þessum skuldum. Því þá var verið að gjaldfella bankana. Þess vegna kom skjaldborgin aldrei!
Og almenningur þarf ekki að vænta hjálpar frá verkalýðshreyfingunni því henni er að þakka lágu launin og líka þessi húsnæðisstefna. Verkalýðshreyfingin og ríkisvaldið skrifuðu undir samkomulag um að hér á landi skyldi ríkja séreignastefna í íbúðarhúsnæði, tvisvar á síðustu öld var samið um að setja íslenska launamenn í þessa ánauð.
Og Íslendingar þurfa að kaupa sér íbúð hvort sem þeir ráða við það eða ekki, en á meðan haldast þeir vinnusamir og vilja aukavinnu.

Ríkissjóður greiðir fjármagnseigendum skaðabætur fyrir upprætta svikamyllu á meðan íbúðareigendur ofgreiða lán!

2009-05-07T04:12:00.000-07:00

[rænt af Smugan.is] Hólmsteinn Brekkan svarar Lilju Mósedóttur:

Sæl Lilja og til hamingju með þingsætið,

Því miður verð ég að segja þessa annars ágætu samantekt þína mjög takmarkaða og byggða algerlega á röngum forsendum.

Eftir 7 mánaða upphitunartíma mætti ætla að það færi að kvikna á fattaranum hjá langskólagengnum hagfræðingum. En því miður þá er ennþá slökkt. Ekki bara hjá þér heldur þeim "öllum".

Það eruð þið, hagfræðingarnir, bankamennirnir og stjórnmálaleiðtogarnir sem eru föst í og talið stanslaust um niðurfellingar, afskriftir, niðurfærslur og fleira í þeim dúr sem eins og það sé verið að "gefa" heimilunum eitthvað og það muni kosta ríkið einhver lifandis ósköp.

ÞETTA ER EKKI RÉTT!!!

Það er ekki farið fram á að neinum sé gefið eitt né neitt, það er ekki farið fram á að skuldir séu felldar niður, afskrifaðar eða þeim eytt á einn eða annan hátt. Fólk vill standa í skilum með sínar skuldbindingar, fólk vill borga af lánum sínum en vegna þeirra efnahagslegu hamfara sem eru að ganga yfir þjóðina + afleiðinga af pólitískt verndaðri glæpastarfsemi er mörgum ókleyft að standa í skilum, margir að nálgast þann punkt og aðrir hreinlega neita að greiða gamblingskuldir glæpamanna.

Það sem við förum fram á er “leiðrétting” á gildandi lánasamningum samkvæmt þeim tillögum sem betur er hægt að skoða á www.heimilin.is og ennfremur að skipuð verði óháð ópólitísk nefnd fag- og hagsmunaaðila til gagngerrar endurskoðunar á núverandi íbúðarlánakerfi og rannsóknar á útreikningi verð- og gengistryggðra veðlána.

Það er afar brýnt að nefndin sé skipuð óháðum fagaðilum, fulltrúum hagsmunaaðila, neytenda og oddamanns til að hefja vinnu við leiðréttingu þessara lána nú þegar.

Hagsmunasamtök heimilanna leggja á það ríka áherslu að öll vinna nefndarinnar skuli vera gagnsæ og að allir þættir er snerta útreikning verðbóta, verð- og gengistryggingar séu nákvæmlega rannsakaðir, þar með talið reiknigrunnur Hagstofu Íslands fyrir vísitöluútreikninga.

Nauðsynlegt er að allar þær reiknijöfnur sem notaðar eru af Reiknistofu bankanna, bönkum og öðrum fjármálastofnunm við útreikninga verðbóta, verð- og gengistryggingðra lána séu rannsakaðar og þær sannreyndar.

ÞESSI SÍÐASTA MÁLSGREIN ER SÚ AL MIKILVÆGASTA Í AF ÖLLU ÞVÍ SEM VIÐKEMUR ÞVÍ AÐ LEIÐRÉTTA EFTIRSTÖÐVAR HÖFUÐSTÓLS ÍBÚÐARLÁNA!

Ég lofa þér því Lilja að “ALLAR” þær reiknijöfnur sem notaðar eru leiða til verulegrar öftöku vaxta og verðbóta. Þetta er vitað og hefur verið viðvarandi allar götur aftur til 1979. Jóhanna er búin að vera að benda á þetta í 30 ár sem og fleiri en núna þegar tækifærið er að taka á þessum vanda þá er viljinn og áhuginn kominn í ruslið!

Öll íbúðarlán á Íslandi eru og hafa verið ofgreidd af neytendum sem þýðir að leiðréttingin liggur inni í lánunum. Það sem gerist við leiðréttingu sem byggð er á “raunverulegum” staðreyndum og fyrirliggjandi tölum er að eftirstöðvar höfuðstóls lána lækkar um 1til allt að 60% eftir lántökudegi.

Eftir að slík leiðrétting hefur farið fram getum við farið að tala um að gagn verði af einhverri af þeim leiðum sem þú minnist á eða hinum s.k. lausnapakka ríkisstjórnarinnar í þágu heimilanna

Hvað þýðir þetta? jú það þýðir einfaldlega að eignasöfn bankanna eru og hafa verið “ofmetin” um samsvarandi upphæð. Við erum að tala um tölur á pappír, ekki að ríkissjóður greiði fjármagnseigeindum einhverjar skaðabætur vegna þess að svikamylla þeirra er upprætt.

Við leiðréttingu eru eignasöfnin einfaldlega “endurmetin” til raungildis.

Þetta er nú orðinn ansi langur texti en ég vil einnig vekja athygli á því að á síðasta landsfundi VG þá voru “SAMÞYKKTAR” eftirfarandi tillögur;

Fundurinn skorar á ríkisstjórnina að leita leiða til að lækka höfuðstól húsnæðislána eða frysta hluta hækkunar höfuðstóls lána vegna verðbólguskotsins. Einnig að gerð verði tímasett áætlun um afnám verðtryggingar.
Ekki verði gengið lengra í innheimtu skulda en að lánastofnun leysi til sín veðsetta eign.
Landsfundur Vinstrihreyfingarinnar - græns framboðs skorar á fjármálaráðherra að beita sér fyrir rannsókn á útreikningi verðbóta á lán hjá Reiknistofu bankanna. Dregið verði fram í dagsljósið hvort um tvívöxtun sé að ræða og hvaða útreikningar standi á bak við hana. Til verksins verði skipuð 5 manna nefnd með fulltrúum frá fjármálaráðuneyti, viðskiptaráðuneyti, Neytendasamtökunum, Hagsmunasamtökum heimilanna og oddamanni skipuðum af forsætisráðherra. Nefndin fái sérfræðinga til að annast útreikninga og skýra þá fyrir almenningi.

Fella beri niður verðtryggingu námslána að norrænni fyrirmynd.
Óeðlilegir viðskiptasamningar og greiðslur sem aukið hafa skuldabyrði þjóðarinnar á undanförnum árum verði látin ganga til baka.

Hefur þú eitthvað heyrt minnst á þessar samþykktir landsfundar eða séð einhver spor af þeim,,, einhversstaðar í stjórnarmyndunarferlinu ,,,, eða bara gufaði þetta upp??? ef eitthvað þá er djöfulgangurinn meiri, flóknari og ógagnsærri en hann hefur nokkurn tímann verið.

Ekkert hefur verið minnst á þetta við stjórnarmyndunarviðræðurnar heldur er slegin skjaldborg um þetta snarklikkaða kerfi okurvaxta og sjálfvirkrar uppskrúfunar á höfuðstól íbúðarlána.

Við þetta verður ekki unað, ekki er hægt að líta á framkomu leiðtoga flokksins sem svik við landsfund VG, kjósendur og heimilin í landinu.

Hafir þú lesið alla leið hingað þá tek ég ofan fyrir þér.

Baráttukveðja Hólmsteinn

7.5.2009, kl. 0:52

Svona bjargarðu laununum frá skuldfærslum bankanna:

2009-05-04T11:03:00.001-07:00

Ef þú ætlar að hætta að borga af skuldunum, og ert með skuldfærslur eða sjálfvirkar færslur af reikningi þínum, þá þarftu að stofna nýjan reikning og láta launagreiðandann vita af nýjum reikning til að setja launin (eða bæturnar) inn á.
Ef bankinn hefur leyfi til að taka út af launareikningi þínum þá hefur hann bara leyfi fyrir þann reikning. Bankinn hefur ekki leyfi til að fara inn á nýja reikninginn. Þú átt peningana þína og þú ræður hvað þú gerir við þá.
Ef greiðsluþjónusta er í gangi, sem tekur sjálfvirkt og skuldfærir af launareikningi þínum, þá þarf að:

Stofna nýjan reikning eða sparisjóðsbók. Við mælum með að hafa engan yfirdráttarmöguleika.
Það er alveg sama hvort þetta er í viðskiptabankanum þínum eða einhverjum öðrum banka.
Svo er hringt í launagreiðandann og sagt frá því að launin eigi að leggjast inn á þennann nýja reikning.
Þetta þarf líklega að gerast í fyrir miðjan mánuðinn svo það sé öruggt að þetta gerist fyrir mánaðamótin.

Þú hættir semsagt að nota gamla reikninginn sem hefur skuldfærsluna á, og bíður róleg(ur) eftir því hvað ríkisstjórnin gerir varðandi "skjaldborg um heimilin í landinu".

(endurtekinn pistill frá fyrri mánuði)

Hagsmunasamtök heimilanna eru með kveikt á perunni

2009-04-14T23:40:00.000-07:00

Hagsmunasamtök heimilanna mótmæla harðlega þeirri ákvörðun stjórnvalda og fjármálafyrirtækja að sniðganga með öllu sanngjarnar og hóflegar tillögur samtakanna um leiðréttingu gengis- og verðtryggðra fasteignalána. Að sama skapi mótmæla samtökin þeim ólýðræðislegu vinnubrögðum sem liggja til grundvallar samkomulagi stjórnvalda og fjármálafyrirtækja.

Sjá hér

Skuldir Íslands og ÍslendingaEr stjórnvöldum treystandi?

2009-04-11T07:32:00.001-07:00

Meðfylgjandi er yfirlýsing um skuldir Íslands eftir hrunið sem stjórnvöld, að tillögu AGS, ætla að láta landsmenn borga. Einnig eru meðfylgjandi tenglar á greinar og viðtöl við Michael Hudson og John Perkins (Confessions of an Economic Hitman).

Áríðandi er að þessi skilaboð (viðhengið og linkarnir) komist til sem flestra og biðjum við þig að dreifa þeim til allra sem þú getur.

Stríðið gegn Íslandi eftir Michael Hudson
http://www.visir.is/article/20090404/SKODANIR03/961273430

Alheimsstríð lánardrottna eftir Michael Hudson
http://visir.is/article/20090401/SKODANIR03/461500915#

The IMF Rules the World eftir Michael Hudson
http://www.counterpunch.com/hudson04062009.html

John Perkins fyrirlestur hjá HÍ, 6. apríl - Er allt uppi á borðinu ? / Is everything on the table?

1.hluti:
http://video.google.com/videoplay?docid=-5595182360829048829&hl=en
2.hluti:
http://video.google.com/videoplay?docid=-1877050852404764371&ei=Sc7cSYWHKYTz-AbVtvSUDA&hl=en

John Perkins í Silfri Egils

1.hluti:
http://www.youtube.com/watch?v=ushMvvN8y-I

2.hluti:
http://www.youtube.com/watch?v=dUF25wNQDHg

Sjá einnig síðu Láru Hönnu
http://larahanna.blog.is/blog/larahanna/entry/848551/

Með bestu kveðju,

Borgarahreyfingin – þjóðin á þing

Þú sem viðtakandi hefur með einum eða öðrum hætti lent á póstlista Samstöðu – bandalags grasrótarhópa sem þátttakandi í því starfi er leiddi til stofnunar Samstöðu á sínum tíma.

Borgarahreyfingin – þjóðin á þing sem verð til upp úr ákvörðun Samstöðu að taka pólitíska slaginn í komandi kosningum sendir þér þetta skeyti og óskar eftir stuðningi við dreifingu á því. Þetta er ekki flokkspólitískt mál heldur grafalvarleg staða sem Ísland er komið í og sem krefst þess að sem flestir láti í sér heyra um málið. Ef þú veist um fleiri sem vilja vera með, eða vilt sjálf(ur) út láttu þá sendanda vinsamlegast vita.

Borgarahreyfingin

———————

Yfirlýsing um skuldir Íslands eftir hrunið sem stjórnvöld, að tillögu AGS, ætla að láta landsmenn borga.

Skuldir Íslands og Íslendinga
Er stjórnvöldum treystandi?

Nýlega fram komnar upplýsingar frá tveimur erlendum hagfræðingum, Michael Hudson og John Perkins benda til þess að íslensk stjórnvöld séu hugsanlega á algerlega rangri leið með þjóðina, leið sem muni hneppa íslendinga í skuldafen um langa framtíð. Báðir halda því hiklaust fram að í slíku skuldafeni munu fyrr eða síðar eignir þjóðarinnar s.s. auðlindirnar, atvinnutækin og stoðkerfi eins og samgöngumannvirki og veitustofnanir, verða seld erlendum fyrirtækjum sem leið út úr vandanum. Þetta segja þeir alþekkt.

Framsaga þeirra beggja í Silfri Egils s.l. sunnudag og á fundum í Háskóla Íslands og á Grand Hóteli á mánudaginn hefur vakið mikla athygli en jafnframt sætt nánast algerri þöggun í stjórnkerfinu og mörgum helstu fréttamiðlunum s.s. RÚV –sjónvarpi og útvarpi og Morgunblaðinu.

Ljóst virðist að Ísland stendur á barmi þjóðargjaldþrots og að skuldir af völdum bankahruns og efnahags óstjórnar eru sennilega meiri en hægt er að ráða við.

Ekki fæst staðfest hversu háar skuldir þjóðarinnar eru, en stjórnvöld halda samt áfram með stöðugar yfirlýsingar um að fær leið sé út úr skuldafeninu með hefðbundum tekjustreymis aðferðum ríkissjóðs, s.s. skattahækkunum og stórfelldum niðurskurði útgjalda.

Kominn er tími til að stjórnvöld geri þjóðinni nákvæmlega grein fyrir hverjar skuldirnar eru, en hegði sér ekki eins og fyrrverandi ríkisstjórn sem hélt mikilvægum upplýsingum um væntanlegt hrun leyndum fyrir þjóðinni.

Hér er á ferðinni mál sem skiptir alla íslendinga gríðarlegu máli, mál sem heggur að grundvallar lífsskilyrðum okkar, barna okkar og jafnvel barna-barna þar sem vegferð stjórnvalda virðist vera sú að skera samfélagsáttmála þjóðarinnar í ræmur sem aldrei verður aftur byggt á.

Bæði Hudson og Perkins hafa bent á að aðferðir AGS, þær sömu og íslensk stjórnvöld hafa gengist undir, hafa valdið stórkostlegum skaða til áratuga í þeim löndum sem þeim hefur verið beitt. Á hinn bóginn hefur þeim löndum sem hafnað hafi meðulum AGS jafnan vegnað mun betur og þau verið fljótari að rétta úr kútnum eftir áföll.

Hagsmunir almennings hljóta að krefjast þess að samstarfið við AGS verði endurskoðað og að leitað verði annarra leiða út úr skuldafeninu. Gleymum því ekki að það var ekki almenningur sem stofnaði til þessara skulda heldur örfáir fjárglæframenn í samvinnu við vanhæfa ríkisstjórn og stjórnsýslu.

Það er krafa okkar að það verði fjallað ítarlega um þetta mál í fjölmiðlum og á Alþingi.

Við skrifuðum ekki upp á skuldir auðmanna, og við eigum ekki að borga þær.

Borgarahreyfingin – þjóðin á þing, 8. apríl 2009.

Brandarinn frá því í haust: "Skjaldborg um heimilin í landinu"

2009-04-07T03:44:00.000-07:00

Lítið hefur gerst varðandi raunverulega hjálp til heimilanna í landinu.
Lesendur eru hvattir til að lesa eldri greinar.

"Gerum lánastofnanir meðábyrgar fyrir því að hafa lánað fólki meira en það getur greitt af."
Sjá hér

Fjölgun á vanskilafólki

2009-04-06T22:45:00.000-07:00

Úrræði fyrir skuldara

Úrræði Íbúðalánasjóðs vegna greiðsluvanda viðskiptavina Íbúðalánasjóðs eru nokkur.

Hægt að skuldbreyta vanskilum, fresta afborgunum af lánum eða lengja lánstíma.

Fyrir áratug sóttu 150 um aðstoð Íbúðalánasjóðs vegna greiðsluerfiðleika, umsóknum fjölgaði svo næstu ár þar á eftir og urðu flestar 2003 þegar þúsund manns sóttu um.

Umsóknum fækkar svo en fjölgar svo gríðarlega á síðasta ári þegar þegar þær verða rúmlega fjórtánhundruð. Umsóknum vegna greiðsluerfiðleika til Íbúðalánsjóðs tekur að fjölga verulega í október á síðasta ári og á síðasta ársfjórðungi sækja tæplega 950 um aðstoð sjóðsins vegna greiðsluerfiðleika sem er álíka fjöldi og hefur sótt um slíka aðstoð það sem af er þessu ári.

[frettir@ruv.is]

Erlend stjórfyrirtæki stjórna Íslandi í gegnum Alþjóðagjaldeyrissjóðinn

2009-04-05T06:45:00.000-07:00

Af hverju talar enginn um að Alþjóðagjaldeyrissjóðurinn stjórnar hér efnahagslífinu?
Eru þetta leynisamtök? Eða er ástæðan enn einu sinni lélegir fjölmiðlar sem segja aldrei frá því sem raunverulega skiptir máli?

Verðtrygging er ofbeldi

2009-04-04T23:29:00.000-07:00

Baldur McQueen ber saman húsnæðislán í Evrópu og á Íslandi.
Er okkur mjög í óhag, hvað annað?

Nánar hér

Alheimsstríð lánadrottna

2009-04-04T13:51:00.000-07:00

Michael Hudson verður í Silfri Egils á morgun. Greinar hans í Fréttablaðinu ættu að vera skyldulesning fyrir alla Íslendinga. Fyrri greinin var 1.apríl í eldhúsdags-kálfi Fréttablaðsins á bls. 6 og seinni greinin var í dag laugardag á bls. 22. Algjört dúndur.

Ef þú ætlar að hætta að borga af skuldunum...

2009-04-04T06:08:00.000-07:00

Stofna nýjan reikning eða sparisjóðsbók. Við mælum með að hafa engan yfirdráttarmöguleika.
Það er alveg sama hvort þetta er í viðskiptabankanum þínum eða einhverjum öðrum banka.
Svo er hringt í launagreiðandann og sagt frá því að launin eigi að leggjast inn á þennann nýja reikning.
Þetta þarf líklega að gerast í fyrir miðjan mánuðinn svo það sé öruggt að þetta gerist fyrir mánaðamótin.

Þú hættir semsagt að nota gamla reikninginn sem hefur skuldfærsluna á, og bíður róleg(ur) eftir því hvað ríkisstjórnin gerir varðandi "skjaldborg um heimilin í landinu".

Hvað er að ske á fasteignamarkaðinum?

2009-04-03T00:00:00.000-07:00

Athyglisverð umræða hjá Agli á vef-silfrinu

1.apríl-göbbin eru bragðlaus því fáránleikinn getur ekki toppað hinar raunverulegu fréttir

2009-04-01T10:56:00.000-07:00

Það er ótrúlega spennandi að vera Íslendingar þessa mánuðina.
1.apríl-göbbin eru bragðlaus því fáránleikinn getur ekki toppað hinar raunverulegu fréttir.

Það tekur tíma fyrir skítinn að fljóta upp á yfirborðið. Stórum skandölum hlýtur að vera haldið niðri af handafli vegna kosninganna framundan!

Flokkakerfi komið að fótum fram

2009-04-01T07:02:00.000-07:00

Góð kjör á lánum til VBS og Saga Capital eru forsenda þess að skuldin fáist endurgreidd. Með góðum kjörum er verið að gera fyrirtækjunum kleift að ráða við afborganir af lánunum. Þetta segir fjármálaráðherra.
Því gildir ekki hið sama um skuldsettar íslenskar fjölskyldur? Er það vegna þess að kosningar eru framundan og minnihlutastjórnin telur sig ekki hafa umboð þjóðarinnar til að gera þær breytingar á kerfinu sem nauðsynlegt er?

Er félagshyggjuflokkunum treystandi?
Er hægt að treysta þessum flokkum eftir kosningar ef þeir segja ekki frá hugmyndum sínum núna?
Ætla félagshyggjuflokkarnir að leysa vanda tugþúsunda íslenskra fjölskyldna sem hafa eingöngu bankana sem ráðgjafa? Sem ráðleggja fjölskyldum að bíða á meðan útbúnir eru pappírar um að bankinn eignist heimilið. Af hverju heyrum við ekkert um hvað eigi að gera við allar tómu íbúðirnar? Jú, ný lög eru sett svo lífeyrissjóðirnir megi eignast fasteignir!
Afnumið er ábyrgðarmannakerfi lána en það gildir bara fyrir framtíðina, ekki fortíðina og gagnast því ekki fjölskyldunum sem eru að missa allt jafnvel vegna ábyrgða fyrir aðra.

Mega Íslendingar ekki byrja upp á nýtt?
Breytingar á gjaldþrotalögunum breyta engu fyrir ofskuldsettar fjölskyldur. Þær hafa ekki þann valkost að fara í gjaldþrot og byrja upp á nýtt. Á Íslandi leyfist fyrirtækjum að byrja upp á nýtt en ekki einstaklingum. Skulduga Íslendinga má hundelta alla æfi með því að vekja upp kröfur. Í nágrannalöndum okkar er skuldsett fólk verndað af neytendalögum svo ekki sé hægt að binda það í þrældóm ævina út eins og hér er.
Ekkert er gert til bjargar illa stöddum fjölskyldum. Í ríkisstjórnarflokkunum er sama fólkið, að nota sömu verkfærin og setti þjóðina í þennan vanda, og þorir hvorki né getur hugsað á nýjum nótum.

Nýrra hugmynda er þörf
Niðurfelling skulda og greiðsluaðlögun ætti ekki einungis að vera fyrir valin fyrirtæki, líka fyrir fjölskyldurnar í landinu.
Borgarahreyfingin vill raunverulegar úrbætur.

Margrét Rósa Sigurðardóttir, vefritstjóri: www.borgarahreyfingin.is
(greinin birtist 1.apríl í Fréttablaðinu)

Gjaldþrotalög í siðlausu samfélagi

2009-03-31T01:17:00.000-07:00

Ný lög um greiðsluaðlögun vegna veðlausra lána

Ef gjaldþrotalög á Íslandi væru eins og í siðmenntuðum samfélögum í kringum okkar, þá væri betra að láta þessar ábyrgðir falla á lánveitandann. Láta bankana bera ábyrgð á því að hafa lánað fólki of mikið.
Í nágrannasamfélögum okkar geta einstaklingar farið í gjaldþrot og byrjað á núlli eftir 2-5 ár.
Hér í þrælakistunni hafa lánastofnanir lögbundið leyfi til að vekja upp kröfuna og haldið henni vakandi alla æfi. Þannig að Íslendingar geta ALDREI BYRJAÐ Á NÚLLI.
Kannski er þetta mannréttindabrot samkvæmt EES?

Guð láti gott á vita: Viðurkenning á því að ekki er eðlilegt að heimilin beri allan skaðann af efnahagshruninu

2009-03-29T16:45:00.000-07:00

Tillaga um almennar aðgerðir vegna verðtryggðra lána heimilanna var samþykkt á landsfundi Samfylkingarinnar með þorra atkvæða í dag.

Tillagan hljóðar svo “Leitað verði sanngjarnra leiða til að skipta ófyrirséðu tjóni milli lántakenda og lánveitenda vegna efnahagshrunsins og hækkunar verðtryggðra lána því samfara.”

Fyrsti flutningsmaður tillögunnar er Sigrún Elsa Smáradóttir. Meðflutningsmenn eru Benedikt Sigurðsson, Mörður Árnason, Kristín Erna Arnardóttir, Guðrún Elín Arnardóttir, Marsibil Sæmundardóttir, Dofri Hermansson, Sigurbjörg Sigurgeirsdóttir, Valgerður Bjarnadóttir, Stefán Benediktsson, Anna Pála Sverrisdóttir og Ingólfur H. Ingólfsson.

Samþykkt tillögunnar er mikilvægt skref. Óumdeilt er að efnahagshrunið var ófyrirsjáanlegt fyrir allan almenning. Verðbólguskotið sem því fylgdi hafði ekkert með þenslu og aukinn kaupmátt í samfélaginu að gera. Því er um að ræða ófyrirséð tjón vegna hruns á íslensku krónunni, sem eðlilegt er að skipta á milli lántakenda og lánveitanda. Samþykktin er viðurkenning á því að ekki sé eðlilegt að heimilin beri allan skaðann af þessu tjóni. Samþykktin er því mikilvægur grunnur þess að ásættanleg lausn finnist sem báðir aðilar geti sætt sig við og málin verði leyst af raunsæi og án yfirboða.

Sigrún Elsa Smáradóttir, Borgarfulltrúi.
899-8659

Samfylking vill halda í verðtrygginguna

2009-03-28T16:21:00.001-07:00

Landsfundur Samfylkingarinnar vill ekki álykta um verðtrygginguna. Jafnaðarmannaflokkurinn dregur taum fjármagnseigenda frekar en íslenskra fjölskyldna.

Jóhanna, hvar er skjaldborgin?

2009-03-28T12:19:00.000-07:00

Einstæð móðir með 3 börn missti vinnu sína í vetur. Hún skilaði bílnum, sem hún hafði keypt með bílaláni. Hún skuldar bílalánið og getur ekki staðið við greiðslur. Hún er komin í vanskil með greiðslur af íbúða- og námslánum og stendur í samningum við bankann. Bankinn er að útbúa pappíra um að þeir eigi íbúðina hennar og segja þeir henni að hafa engar áhyggjur. Það nægir þeim ekki að hirða íbúðina því þeir reikna út að hún þurfi að greiða þeim vanskil ásamt kostnaði. En hún hefur áhyggjur því þeir taka ekki tillit til annarra skulda hennar þegar þeir reikna út hvað hún eigi að greiða þeim mánaðarlega. En hún ásakar sjálfa sig og finnst hún hafi verið óábyrg að kaupa sér íbúð og bíl.

Vaknar risinn loksins?ASÍ tekur afstöðu með heimilunum

2009-02-27T11:02:00.000-08:00

Er Así með betri hugmynd en Framsókn?

Spegillinn á Rás 1, fös. 27.feb. kl. 18:16
Er með skýra lýsingu á því hvernig greiðsluaðlögun virkar:

http://dagskra.ruv.is/ras1/streymi/

Glæpsamleg stjórnun á fjármögnun fasteigna á Íslandi

2009-02-20T01:07:00.000-08:00

Frábær grein Jakobínu á Smugunni

Peningamálum og fjármögnun fasteigna er stjórnað glæpsamlega hér í landi. Það eru fyrst og fremst valdhafar sem eru ábyrgir fyrir bágri stöðu fjölskyldufólks.
Og hér er bloggið hennar

Loksins valkostir í húsnæðismálum Íslendinga?

2009-02-11T15:36:00.000-08:00

Hagsmunaaðilar hafa sent út ákall varðandi lausnir á húsnæðislánamálum íslenskra fjölskyldna.

sjá:
heimilin.is

Í Speglinum í kvöld á RÚV (11.feb.09) kynnti Benedikt Sigurðsson góðar hugmyndir fyrir ríkisstjórnina varðandi húsnæðismarkaðinn.
Hugmyndin um breytingar á íbúðum yfir í Búsetaformið er brilljant. Vonandi verður þá virkur almennur húsaleigumarkaður á Íslandi. Þar sem það er valkostur fyrir fólk að kaupa aldrei íbúð en vera öruggur með leiguhúsnæði.

En fyrst þarf að sannfæra stjórnvöld.

Eru það mannréttindi að fara í gjaldþrot?

2009-02-05T14:39:00.000-08:00

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot

[úrdráttur úr grein Sverris Jakobssonar sem birtist í Fréttablaðinu í byrjun desember]

Hér er endurbirt efni frá því í byrjun desember. Alþingi er nú að samþykkja greiðsluaðlögunarlög sem hvetja íbúðaeigendur til að lengja í lánum sínum.
Aðalmálið er að lántakendur fari ekki í gjaldþrot þrátt fyrir hækkandi skuldir og lækkandi laun. Samkvæmt íslenskum gjaldþrotalögum fær fólk ekki að byrja upp á nýtt eftir ákveðinn árafjölda heldur er hægt að endurvekja skuldakröfurnar alla ævi skuldarans.
Það vantar á Íslandi þau mannréttindi sem almenningur í siðuðum samfélögum hefur, að verða gjaldþrota og eftir ákveðinn árafjölda vera á núlli.

Í Fréttablaðinu í dag, þriðjudaginn 2.desember lýsir Sverrir Jakobsson á mannamáli því um hvað málið snýst:

[bls. 16—úrdráttur–greinarskil bloggara]

Þenslu fjármálakerfisins fylgdi svo önnur bóla; þensla íbúðaverðs sem af séríslenskum aðstæðum varð einkum á höfuðborgarsvæðinu. Undir hana var ýtt af fjármálastofnunum sem vildu sölsa undir sig þessa starfsemi og fjármagna þar með enn meiri útrás. Stjórnmálamenn ýttu undir þensluna með loforðum um hærri lán til fasteignakaupa sem höfðu í för með sér offjárfestingar í húsnæði.
Íslensk heimili urðu skuldsettari en þekkist víðast hvar annars staðar og þunginn af kreppunni fellur nú einkum á heimilin.
Samt eru úrræði stjórnvalda nú á krepputímum þau sömu og á fyrri þenslutímum - að hækka vexti á skuldsetta þjóð.
Undir eðlilegum kringumstæðum ættu slíkar ráðstafanir að leiða til fjöldagjaldþrota en ríkisvaldið mun ekki leyfa það; gangvirki íslensks efnahagslífs hvílir á þeirri forsendu að fólk borgi skuldir sínar og í því skyni má fresta greiðslum og grípa til allra mögulegra ráðstafana annarra en að lækka vexti eða setja fólk á hausinn.
Íslenskt hagkerfi stendur og fellur með því að almenningur greiði skuldir sínar þó að einkabönkunum hafi verið leyft að fara í gjaldþrot, fá nýjar kennitölur og vera lausir allra mála.

Fasteignir almennings fjármagna endurreisn bankakerfisins: Eignaupptaka.

2009-02-04T12:47:00.000-08:00

Ríkisstjórn Jóhönnu Sigurðardóttur keyrir heimilin í gjaldþrot. Breytir að vísu gjaldþrotalögum og það er vel, en þetta er ekki jafnræði né sanngirni.

Marinó G. Njálsson er með góðan pistil hér

Taka tvö Jóhanna. Eindagi.

2009-02-01T14:21:00.000-08:00

Komin á eindaga loforð þín til heimilanna frá því í október; greiðslustöðvun, frysting, greiðsluaðlögun. Frá árinu 1996 hefur greiðsluaðlögunarfrumvarp legið einhvers staðar í ráðuneyti.
Kominn eindagi hjá mörgum fjölskyldum.
---------------
Ráðstafanir til að vernda fjölskyldur
Úr grein eftir hagfræðingana Gylfa Zoëga og Jón Daníelsson í mogganum mánudag 27.okt. 2008.

Óvenjulega hörkuleg löggjöf um skuldara og gjaldþrot einstaklinga

2009-01-20T08:09:00.000-08:00

Á Íslandi er óvenjulega hörkuleg löggjöf um skuldara og gjaldþrot einstaklinga. Löggjöfin gerir lánadrottnum kleift að halda skuldakröfum á einstaklinga vakandi alla ævi þannig að engin leið er fyrir skuldarann að snúa við blaðinu og hefja nýtt líf s.s. eftir of mikla skuldasöfnun einhverra ástæðna vegna. Veikinda, atvinnuleysis, skilnaðar...
Sérstaklega er þetta ömurlegt núna þegar svo margir hafa tekið svo mikið að láni.
Bankarnir hvöttu til mikillar neyslu og mikillar lántöku. Það hefur nú komið í ljós að bankarnir reiknuðu sér sem eign það sem þeir lánuðu einstaklingum. Og þá gátu þeir sýnt fram á betri eignastöðu gagnvart erlendum lánadrottnum.
Stjórnvöld tóku líka þátt í þessu með því að hækka veðhlutfall íbúðalána.
Lögfræðingar og fræðimenn, aðallega þeir sem eru erlendis s.s. Magnús Þór Torfason, doktorsnemi við Columbia-háskóla, hefur skrifað um þessa löggjöf.
Kynnið ykkur hvað hann segir um þetta.

Innantóm loforð um stuðning við heimilin

2009-01-19T08:45:00.000-08:00

Marinó G. Njálsson: "Ég vil ganga svo langt að segja, að þetta eru innantóm loforð um stuðning við heimilin. Þetta er orðagjálfur um ekki neitt.

Mín skilaboð til ríkisstjórnarinnar eru þessi: Vaknið af dvalanum og farið að gera eitthvað sem skiptir máli fyrir heimilin í landinu."

Íslenskar fjölskyldur hlekkjaðar til æviloka við verðlitlar eignir

2009-01-18T23:45:00.001-08:00

Heimilin og fjölskyldurnar í landinu tóku lán sín til íbúðarkaupa í góðri trú og trausti til fjármálastofnana og stjórnvalda. Margar fjölskyldur eiga nú þess vegna á hættu að verða hlekkjaðar til æviloka við verðlitlar eignir sínar með skuldaklafann á bakinu, eða að verða hraktar af heimilum sínum með opna heimild til endurupptöku krafna til æviloka.
Úr ályktun stofnfundar Hagsmunasamtaka heimilanna 15. janúar 2009

Er betra að missa eignir eða þræla endalaust?

2009-01-11T12:39:00.000-08:00

Hvort er betra: Að missa eignir núna eða þræla endalaust og greiða okurlánin?
Bæjarstjóri hvetur fólk til að hætta að borga. [af visi.is]

Vésteinn er hættur að borga okurlánin!

2009-01-07T15:35:00.000-08:00

Vésteinn Gauti er hættur að borga íbúðar-okur-lánin.
Hann leyfir okkur að fylgjast með samskiptum sínum við bankann á bloggsíðu sinni.

Niðurlæging þeirra sem standa í skilum, getur orðið hvað mest

2009-01-06T08:45:00.000-08:00

Niðurlæging þeirra sem standa í skilum getur orðið hvað mest - með því að þeir taka á sig drápsklyfjar í 20-30 ár - og missa niður fjárhagslegt sjálfstæði og reisn . . . . .verða þrælar fjármagnseigendanna.

Rosa pistill eftir Bensa:
http://blogg.visir.is/bensi

Okurvaxtastefna og spilling í bankakerfinu er ekki okkur að kenna.

2008-12-18T12:24:00.000-08:00

(af vef http://vald.org]

Hvað segir það um okkur sem manneskjur og hvers konar félagslegt réttlæti er það að gera þúsundir einstaklinga sem skulda verðtryggð lán eignalausa á einni svipstundu. Og stela þannig afrakstri margra ára vinnu af þessu fólki? Þetta er gert á sama tíma og varla er hróflað við þeim sem rústuðu öllu kerfinu. Fólkið sem á undanförnum árum hefur verið að kaupa allt of dýrt húsnæði – þökk sé m.a. verðtryggingunni sem stórhækkar allt fasteignaverð — og hefur unnið myrkranna á milli, á enga sök á gengisfellingum, okurvaxtastefnu eða spillingu í bankakerfinu. Nú á að leysa efnahagsvandan m.a. með því að leiða þennan hóp í sláturhús.
....
Framtíð Íslands er ekki björt ef yngsta kynslóð húsnæðiskaupenda verður látin taka á sig stærri skell en aðrir. Réttlát reiði eitrar þá út frá sér í samfélaginu og mikill landsflótti liggur í loftinu. Eru stjórnmálamenn landsins virkilega svo kaldrifjaðir að þeir láti þetta gerast eða eru þeir bara steinrunnin nátttröll sem stara út í tómið. Það verður að afnema verðtrygginguna strax.
...
meira sjá http://vald.org

Húsnæði á Íslandi verðmetið á 40–50% af upphæð áhvílandi lána eftir ca. eitt ár.

2008-12-17T01:05:00.000-08:00

Eftir ca 24 mánuði munum við sjá að 70% af öllu húsnæði á íslandi verður verðmetið á ca 40 til 50% af upphæð áhvílandi lána.

Sjá bloggsíðu Vésteins Gauta

Af hverju er ekki virkur húsaleigumarkaður á Íslandi eins og á hinum Norðurlöndunum?

2008-12-14T13:51:00.000-08:00

Af hverju þarf ungt fólk sem stofnar fjölskyldu að byrja á því að skuldbinda sig til íbúðakaupa og vinna síðan ótæpilega á meðan börnin eru lítil og þurfa á foreldrum sínum óþreyttum að halda?

Af hverju er ekki virkur húsaleigumarkaður á Íslandi eins og á hinum Norðurlöndunum?
Séreignastefnan hér á landi var undirritað samkomulag á milli ríkisvaldsins og verkalýðshreyfingarinnar. Ákveðið var að allir eiga að kaupa íbúð. Líka sá hluti launafólks, sem margt ræður ekki við íbúðakaup, þ.e. ef eitthvað kemur uppá: veikindi, flutningur á milli landshluta, aðrar breytingar og á aldrei varasjóði til að grípa í.
Margir einstaklingar fara í gjaldþrot, bara vegna þess að þeir réðu ekki við að kaupa íbúð.

Sannleikurinn um verðtryggingu lána á mannamáli

2008-12-14T04:46:00.000-08:00

Magnús Þór í Silfri Egils með frábærar skýringar á verðtryggingunni. (Rúv, sunnudagur 14.des–úrklippa af bloggi Láru Hönnu).

Verkalýðshreyfingin vill viðhalda verðtryggingu lána

2008-12-07T06:37:00.000-08:00

Verkalýðshreyfingin vill viðhalda verðtryggingu lána til að lífeyrissjóðirnir haldi verðgildi sínu.
Nú er verið að etja hagsmunum gamla fólksins, sem fær lífeyri sinn úr sjóðunum, á móti unga fólkinu, sem þarf lán til að koma þaki yfir höfuðið.
Fyrir unga fólkið eru verkalýðsfélögin orlofshúsaleigumiðlun. Ungt fólk greiðir lögbundin félagsgjöld í verkalýðsfélög nema búið sé að hrekja það í verktöku. Ótrúlega há prósenta af öllum launum í landinu fara til lífeyrissjóðanna og verkalýðsfélaganna.

Lausn verkalýðsleiðtoganna er að aðild að Efnahagsbandalagi Evrópu muni bjarga okkur frá verðtryggingunni.
Verkalýðshreyfingin er ekki lýðræðisleg hreyfing. Þegar forseti ASÍ lýsir því yfir að ASÍ vilja fara í ESB er hann að segja fólkinu að það viti ekkert, þurfi ekki upplýsingar og eigi að elta ASÍ sem eltir Samfylkinguna.

Leiðtogarnir eru hámenntaðir og kerfið sem þeir styðja heldur þeim við völd (á háum launum). Og ef Ísland fer í Evrópusambandið þá verða verkalýðsforingjarnir á enn fleiri fundum erlendis og það virðist vera það sem allir sækja í.

Af hverju pössuðu stjórnarmenn í lífeyrissjóðunum ekki betur upp á peningana okkar? Af hverju eigum við að treysta þessum sömu mönnum fyrir sjóðunum okkar?

Þú græðir ef þú hættir að borga?

2008-12-03T15:27:00.000-08:00

Frábær lýsing á því hvað gerist ef þú hættir að borga verðtryggða lánið.

í Kastljósi hér

Valdið liggur hjá skuldurum

2008-12-03T04:16:00.000-08:00

Uppreisn gegn lánardrottnum
[jonas.is]
Guðmundur Ólafsson hagfræðingur reyndist sannspár um hrunið. Einn af mörgum, sem ekki var hlustað á. Nú ráðleggur hann skuldugum að spyrna við fótum. "Það er fráleitt að halda áfram að borga", segir hann í viðtali við DV í dag. Vegna verðtryggingar er 18 milljóna lán komið upp í 24 milljónir króna. Fólk hefur ekkert gert til að verðskulda slíkt. Guðmundur bendir í blaðinu á leiðir til að hætta að borga af lánum, sem fyrirsjáanlega sliga fólk. Fólk á að leggja peninga sína inn á reikning í stað þess að borga Íbúðalánasjóði eða banka. Fólk lifir ekki nema það geri fjárhagslega uppreisn gegn kerfinu.

Hættið að borga af lánunum
[dv.is]

„Það er fráleitt að halda áfram að borga,“ segir Guðmundur Ólafsson hagfræðingur um stöðu þess fólks sem á í greiðsluerfiðleikum vegna húsnæðislána. Hann segir að fólk eigi í öllu tilliti að fara til skuldareigandans, oftast Íbúðalánasjóðs eða bankanna, og spyrja þá hvað sé til ráða þegar fólk ræður ekki við greiðslurnar.

Guðmundur segir að allur sá fjöldi fólks sem er í þessum sporum eigi aðeins einn kost. „Hann er þá að segja einfaldlega; „Við borgum ekki“ enda er ekkert annað í boði. Það segir sig sjálft,“ segir hann.

Í DV í dag kemur fram hvernig hægt er að hætta að borga af lánum, sem munu fyrirsjáanlega sliga mann, og safna peningunum í staðinn inn á reikning. Íbúðalánasjóður getur ekki gengið að fénu og því getur fólk notað féð til að koma undir sig fótunum á ný, til dæmis á leigumarkaði. Þetta hefur þó sína ókosti, en enga umfram þá sem mæta fólki þegar það loksins fer í þrot vegna lánanna.

Verðtrygging húsnæðislána gerir það að verkum að sá sem tók 18 milljóna króna lán í fyrra stendur frammi fyrir því undir lok næsta árs að skulda 24 milljónir króna, þrátt fyrir að hafa ekkert gert rangt. Því hefur hópur fólks ákveðið að hætta að borga af lánunum, í ljósi þess að verðtryggingin sé bæði í senn sligandi og óréttlát.

Sjá nánar í DV-pappírsútgáfu
------
Sjá einnig grein Sverrir Jakobssonar [úrdráttur]:

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot

Hagkerfi sem leyfir verðtryggingu lána getur ekki talist frjálst eða á nokkurn hátt eðlilegt.

2008-12-03T03:54:00.000-08:00

Verðtryggingin er böl
[af vald.org]
Vaxtaþrælar

Hagkerfi sem leyfir verðtryggingu lána getur ekki talist frjálst eða á nokkurn hátt eðlilegt. Eins og alltaf þegar menn búa til annarlegar lausnir þá láta slæmar afleiðingar ekki á sér standa.

Verðtryggingin átti stóran þátt í að fasteignaverð hækkaði allt of ört árum saman. Verðtryggingin gerði bankakerfinu kleift að spila með gengi íslensku krónunnar fyrr á þessu ári. Þetta glæpsamlega hringl með krónuna gróf undan trausti landsins á erlendum peningamörkuðum og átti sinn þátt í að kerfið loks hrundi.

..........

Verðtryggingin er byggð á röngum forsendum vegna þess að hún kemur í veg fyrir að framboð og eftirspurn lækki eða hækki vexti þegar það á að gerast. Hún felur raunverulegan kostnað og eykur greiðslubyrðina þegar spurt er að leikslokum. Þetta er auglýst sem eitthvað gustukaverk en þjónar aðeins okurlánurum.

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot

2008-12-02T07:05:00.000-08:00

Í Fréttablaðinu í dag, þriðjudaginn 2.desember lýsir Sverrir Jakobsson á mannamáli því um hvað málið snýst:

[bls. 16—úrdráttur–greinarskil bloggara]

Þenslu fjármálakerfisins fylgdi svo önnur bóla; þensla íbúðaverðs sem af séríslenskum aðstæðum varð einkum á höfuðborgarsvæðinu. Undir hana var ýtt af fjármálastofnunum sem vildu sölsa undir sig þessa starfsemi og fjármagna þar með enn meiri útrás. Stjórnmálamenn ýttu undir þensluna með loforðum um hærri lán til fasteignakaupa sem höfðu í för með sér offjárfestingar í húsnæði.
Íslensk heimili urðu skuldsettari en þekkist víðast hvar annars staðar og þunginn af kreppunni fellur nú einkum á heimilin.
Samt eru úrræði stjórnvalda nú á krepputímum þau sömu og á fyrri þenslutímum - að hækka vexti á skuldsetta þjóð.
Undir eðlilegum kringumstæðum ættu slíkar ráðstafanir að leiða til fjöldagjaldþrota en ríkisvaldið mun ekki leyfa það; gangvirki íslensks efnahagslífs hvílir á þeirri forsendu að fólk borgi skuldir sínar og í því skyni má fresta greiðslum og grípa til allra mögulegra ráðstafana annarra en að lækka vexti eða setja fólk á hausinn.
Íslenskt hagkerfi stendur og fellur með því að almenningur greiði skuldir sínar þó að einkabönkunum hafi verið leyft að fara í gjaldþrot, fá nýjar kennitölur og vera lausir allra mála.

Hvaða heilvita fólki dettur í hug að bjóða fólki lán til 70 ára?

2008-11-30T14:35:00.000-08:00

Ætlar samfylkingarfólk að nota verðtrygginguna sem ástæðu til inngöngu í ESB?

Það er ekki eina leiðin til að losna við verðtryggingu að ganga í ESB!
Þegar kosið verður um aðild að ESB þá verður það gert á málefnalegum grunni og eftir upplýsta umræðu með þjóðarinnar!

Verðtryggingu þarf að afnema núna! ESB er annað og stærra mál sem við afgreiðum fyrr en síðar með þjóðaratkvæðagreiðslu!

Hvaða heilvita fólki dettur í hug að bjóða fólki lán til 70 ára? Þetta er ekki lausn heldur ÁÞJÁN!

Grautarhugsun ASÍ

2008-11-27T00:07:00.000-08:00

Gylfi forseti ASÍ sagði í morgunútvarpi (27.nóv) að ef hætt yrði við verðtrygginguna þá væri það eins og að henda hitamælunum þegar gengi farsótt!
Þetta var frekar slappt hjá Gylfa, frekar ætti líkingin að vera þannig að hent væri meðalinu (verðtrygging) sem sannanlega hjálpaði sjúklingnum (fólk, lánveitendur og lántakendur)!
Verðtrygging = lyf
En gallinn er bara sá að meðalið er bara gefið sumum en ekki öllum.
Meðalið er gefið peningasjóðunum í bönkunum en ekki lántakendum.
Segja má að lántakendur einir borgi lyfið ofaní hina en fá ekkert í staðinn, enga lækningu, bara lengingu í hengingarólinni.

Taktu frá pening fyrir mat áður en þú semur við lánadrottna

2008-11-26T02:25:00.000-08:00

Ef þú getur ekki greitt af verðtryggðum lánum (eða myntkörfulánum) athugaðu að fjölskyldan þarf að borða, taktu frá pening fyrir mat.

(vald.org um nýjasta útspil stjórnvalda til hjálpar heimilum)

Annað hvort skilur Félags- og byggingamálanefnd Alþingis ekki eðli fasteignalána eða hún er staðráðin í að koma sér upp stétt Íslendinga sem eyðir öllum fullorðinsárunum í vaxtaþrældómi. Starfsmenn nefndarinnar hafa nú bæst í stóra hjörð embættismanna sem á að segja af sér vegna vankunnáttu í starfi.

Lengt er í lánum. Aðalmálið er að fólk HÆTTI EKKI AÐ BORGA

2008-11-26T02:05:00.000-08:00

Lengt er í lánum. Aðalmálið er að fólk HÆTTI EKKI AÐ BORGA

Nefndarálit (úrdráttur)
(allur textinn hér)
Frá félags- og tryggingamálanefnd (24.nóv.).
....
Frumvarpinu ásamt fleiri aðgerðum er ætlað að rýmka heimildir og fjölga úrræðum sem Íbúðalánasjóður hefur til að koma til móts við lántakendur sem lenda í greiðsluvanda. Lagt er til að Íbúðalánasjóði sé heimilt að leigja eða fela öðrum að leigja það íbúðarhúsnæði sem sjóðurinn hefur yfirtekið á nauðungaruppboði. Þá er lögð til lenging úr 15 árum í 30 ár á hámarkslánstíma skuldbreytingarlána Íbúðalánasjóðs sem veitt eru vegna tímabundinna greiðsluerfiðleika lántaka.
....
Hvað leiguverðið varðar telur nefndin að gæta þurfi að því að útleiga íbúða standi undir kostnaði en jafnframt sé fyrrum eiganda ekki gert ófært að greiða leigu. Í greinargerð kemur fram að Íbúðalánasjóður muni við útleigu miða við markaðsverð en á fundi nefndarinnar kom fram að engar tölur lægju fyrir um leiguverð á markaði utan þess að það hafi tekið að lækka. Nauðsynlegt er að tryggja Íbúðalánasjóði rekstrargrundvöll og því eðlilegt að leggja áherslu á að einungis er um skammtímaúrræði að ræða. Þannig verði sjóðnum gert kleift að selja íbúðir ef leiga þeirra reynist hærri en gengur og gerist en lántakendum jafnframt gert kleift að leita að hentugu húsnæði sem hefur í för með sér sem minnst hnjask eða óhagræði fyrir lántakendur og fjölskyldur þeirra.
Lengingu á hámarkslánstíma skuldbreytingarlána Íbúðalánasjóðs úr 15 í 30 ár eru sett þau takmörk í lögum um húsnæðismál að hámarkslánstími lána hjá sjóðnum er 55 ár, sbr. 4. mgr. 48. gr. laganna. Ef þessu tímamarki er haldið til streitu getur það orðið til þess að ekki geti allir nýtt sér heimildina til skuldbreytingar í 30 ár. Þar sem það getur skipt einstaklinga sköpum í því efnahagsástandi sem nú ríkir að geta lengt í lánum sínum og með því lækkað greiðslubyrði leggur nefndin til að hámarkslánstími lána hjá sjóðnum verði færður í 70 ár. Nefndin telur nauðsynlegt að samhliða slíkri lengingu séu lántakendur uppfræddir um að kostnaður aukist mjög þó að greiðslubyrði léttist einungis lítillega.
....
Í frumvarpinu er það gert að skilyrði fyrir útleigu íbúða að sjóðurinn hafi eignast þær á nauðungaruppboði. Nauðungaruppboð er kostnaðarsöm aðgerð sem getur haft neikvæð áhrif á einstaklinga og fjölskyldur. Nefndin leggur áherslu á að allra leiða sé leitað til að aðstoða fólk í greiðsluerfiðleikum og m.a. séu einstaklingar aðstoðaðir við að minnka við sig, sé þess kostur. Í þessu sambandi lítur nefndin til þeirra úrræða sem kynnt hafa verið á síðustu vikum, lántakendum til hagsbóta, sem og frumvarps um greiðsluaðlögun sem ríkisstjórnin hefur sagt að sé væntanlegt. Augljóst er að stundum er nauðungaruppboð eina leiðin og það úrræði að geta leigt íbúð áfram fjölskyldum þá mjög kærkomið. Að sama skapi telur nefndin mikilvægt að horft sé til alvarleika slíkra aðgerða og eingöngu gripið til þeirra sem síðasta úrræðis.
....

Framtíð barna og ungra veðsett; skuldsettar fjölskyldur bera skaðann einar, fjármagnseigendur sleppa

2008-11-22T13:08:00.000-08:00

Framtíð barna og ungra veðsett; vísitalan flytur tjónið af verðfalli krónunnar með tvöföldum þunga til ungra skuldsettra fjölskyldna en fjármagnseigendur sleppa við tjón

Bensi á visis-bloggi
[úrdráttur–allur textinn hér]
Það verður að frysta verðtryggingar-vísitöluna - og stíga með því bein skref út úr verðtryggðu krónunni - - annars er hætta á að stórir hópa getir ekki borgað af lánum sínum eða beinlínis kjósi að hætta að borga. Jafnræði verður að tryggja milli lántakenda og fjármagnseigenda og fjármálastofnana - og það mundi aldrei fyrirgefast Samfylkingunni að veðsetja framtíð barna og ungra með því að láta vísitöluna flytja tjónið af verðfalli krónunnar með tvöföldum þunga til úngra skuldsettra fjölskyldna og láta það sitja þar (en fría fjármagnseigendur við tjónið)

Það verður að leggja Íbúðalánasjóði til 20-30 milljarðar strax og tryggja eiginfjárstöðu sjóðsins til að honum verði mögulegt að eflast í þeirri tiltekt sem óhjákvæmileg er og þegar ákveðin með neyðarlögum.

Dekur við ríka—heimili hinna í gjaldþrot

2008-11-22T05:19:00.000-08:00

(úrdráttur úr grein Jóns Haukssonar á heimur.is)

[Samfélagsleg ábyrgð er tískuorð í viðskiptafræðum. Það er samfélagsleg ábyrgð við „núverandi aðstæður“ að setja ekki tugi þúsunda heimila og fyrirtækja í landinu í gjaldþrot vegna verðtryggingar og okurvaxta. Sú samfélagslega ábyrgð felst ekki í dekri við sparifjáreigendur næstu mánuðina. Þeir verða líka að gefa eitthvað eftir.]

Dekur við sparifjáreigendur

Það vekur athygli mína hvað margir stjórnmálamenn eru á móti því að afnema verðtryggingu með því að festa vísitöluna í eitt ár. Þau Geir Haarde og Ingibjörg Sólrún voru spurð að þessu á IMF-fundinum í Ráðherrabústaðnum á dögunum og þau svöruðu mjög stuttaralega því til að þetta væri ekki hægt vegna þess skaða sem Íbúðalánasjóður og lífeyrissjóðirnir yrðu fyrir. Gylfi Arnbjörnsson, forseti ASÍ, og Jóhanna Sigurðardóttir félagsmálaráðherra hafa notað sömu rök. Núna bætist Ögmundur við. Það er bara sagt: Nei, þetta er ekki hægt. Það er bara eins og málinu sé þá lokið – líkt og í dómsal.

Ríkisstjórnin hefur staðið myndarlega við bakið á sparifjáreigendum í bankakreppunni. Hún hefur ábyrgst „íslenskar“ sparisjóðsbækur langt umfram skyldu. Hún hefur núþegar dælt 200 milljörðum króna í peningamarkaðssjóði bankanna, eitthvað sem henni bar engin skylda til að gera. Hún má ekki til þess hugsa að afnema verðtryggingu vegna þess að það skerðir lífeyri lífeyrisþega. Hún hefur viðrað það að hækka skatta í kreppunni. Hún þráast við að lækka vexti út af einhverri krónu. Hún hefur haft forystu um að hækka verð á víni og tóbaki í skjóli einokunar og agnúast í leiðinni út í einkafyrirtæki fyrir verðhækkanir og nefnir ónóga samkeppni yfirleitt til sögunnar.
Jón G. Hauksson, grein í heimur.is sjá hér alla greinina

Eins og plástur á svöðusár

2008-11-21T14:37:00.000-08:00

Frétt á mbl.is
Aðgerðir ríkisins til hjálpar efnahags heimilanna séu því einsog að setja plástur á svöðusár.

Friðrik Ó. Friðriksson á moggabloggi

Kaldi á moggabloggi

Verðtrygging húsnæðislána er mannréttindabrot sem leiðir til frelsissviftingar og kúgunar

2008-11-19T14:44:00.000-08:00

Hin íslenska verðtrygging, rúmlega ársgamall pistill á bloggi Kjartans Eggertsson ar

[úrdráttur hér á eftir, tengill hér að ofan]

Ýmsum kann að þykja að verðtrygging á höfustól láns sé réttlætismál og hagur beggja aðila, lántakanda og lánveitanda. Vissulega er það falleg hugsun að lántakandi greiði til baka raunverðmæti þess láns sem hann tekur. Á íslenskum lánamarkaði gilda hins vegar reglur og háttsemi sem er á skjön við þessa fallegu hugsun jafnaðar og ærlegheita.
. . .
Það er verkefni Alþingis að breyta lögum um banka- og lánastarfsemi þar sem aðstæður aðila verða jafnaðar. Almenningur á ekki að sætta sig við að þurfa að taka lán á þessum kjörum til að reisa sér þak yfir höfuðið og mennta sig til að koma undir sig fótunum og koma börnum sínum til manns. Í raun er staðan sú að ungt fólk sem kaupir sér húsnæði festist í neti "kúgara" sem heimta andvirði lánsins (hússins) þrefalt til baka, enda fer mest öll starfsæfi almennings á Íslandi í að greiða upp húsnæðislán.

allur pistill hér

Fjölskyldurnar sem eiga börnin og þurfa að koma þeim til þroska

2008-11-18T15:55:00.000-08:00

Bensi er með lýsingar á nánustu framtíð fjölskyldna: hér

Það má halla á íbúðakaupendur, ekki lánveitendur

2008-11-17T09:01:00.000-08:00

Spurningin um að frysta verðtrygginguna í einhvern tíma fékk þetta svar frá utanríkisráðherra á blaðamannafundinum í dag:

"Þá tapar Íbúðalánasjóður fé og hann þarf að standa við sínar skuldbindingar."

"Þetta er ekki þannig að þetta sé bara á annan veginn..." (hér hlýtur hún að meina að þá myndi halla of mikið á Íbúðalánasjóð í verðbólgu)

Ingibjörg Sólrún. Þetta er bara á annan veginn núna. Fasteignakaupendur bera allan þungann; lánveitendur eru bæði með axlabönd og belti manstu?

Af hverju má það ekki vera á hinn veginn?
...
Forsætisráðherra sagði:

"Skuldir innanlands ekki eins erfiðar og erlendar skuldir."

Er það vegna verðtryggingarinnar innanlands? Að launafólk haldi áfram að halda þessu uppi?

Áhættan áfram öll hjá lántakendum

2008-11-15T14:56:00.000-08:00

Tregða stjórnvalda til að vinna að því að afnema verðtrygginguna

Verðtryggingin gerir óþolandi mismunun milli skuldara og fjármagnseigenda. Áhættan verður áfram öll hjá skuldurum - og bankar og fjármálastofnanir verða áfram nær ónæmar fyrir áhættu vegna verðbólgu.

Sjá pistil hér

Úrræði lífeyrissjóðanna við greiðsluvanda heimilanna

2008-11-15T04:35:00.000-08:00

Greiðsluvandi og úrræði lífeyrissjóða
- tillögur og greinargerð starfshóps Landssamtaka lífeyrissjóða
Sjá vefslóð hér
Starfshópur á vegum Landssamtaka lífeyrissjóða mælist til þess við lífeyrissjóði landsins
að þeir aðstoði þá sjóðfélaga, sem lenda í greiðsluerfiðleikum og fjárhagsvandræðum vegna efnahagsástandsins með því að bjóða þeim svokallaða „frystingu“ lífeyrissjóðslána, tímabundna ívilnum með breytingu á lánaskilmálum.

Hverjum lífeyrissjóði verði í sjálfsvald sett að að meta hverja beri að aðstoða með þessum hætti og hve lengi lánafrysting skuli vara í hverju tilviki. Starfshópurinn telur ekki óeðlilegt að miða þar við 6 til 12 mánuði til að byrja með.

Sjóðirnir taki upp nánara samstarf við Ráðgjafarstofu um fjármál heimilanna og beini því til
sjóðfélaga í greiðsluvandræðum að leita til hennar eftir aðstoð til að fá heildstæða mynd af stöðu sinni og hvað sé til ráða.

• auki upplýsingamiðlun gagnvart þeim sem lenda í vanskilum eða eru sjálfir að kanna möguleika sína til að komast hjá vanskilum. Það má gera með því að
– birta aðgengilegar upplýsingar og skýringar á heimasíðu lífeyrissjóða þar sem gerð er grein fyrir mismunandi skilmálabreytingum.
– efla reiknivélar á heimasíðum sjóðanna þannig að fólk geti metið betur hvaða áhrif skilmálabreyting hefur á greiðsluflæði skuldabréfs í framtíðinni.

• horfi til stærri hóps en þess sem þegar er kominn í verulegan greiðsluvanda (sjá greinargerð).

• verði áfram sveigjanlegir gagnvart þeim sem lenda í greiðsluerfiðleikum og bjóði upp á breytta lánaskilmála hér eftir sem hingað til (sjá greinargerð).

Þú missir íbúðina en færð að búa í henni í smástund í viðbót

2008-11-13T15:18:00.000-08:00

Mælt fyrir frumvarpi um húsnæðismál

„Heimild Íbúðalánasjóðs til þess leigja eða fela öðrum að annast leigumiðlun íbúðarhúsnæðis er lögð til með það að meginmarkmiði að gera leigjendum íbúða sem sjóðurinn hefur eignast á nauðungaruppboði vegna greiðsluerfiðleika leigufélaganna, eða eigendum íbúða sem hafa misst þær vegna greiðsluerfiðleika, kleift að búa áfram í íbúðarhúsnæðinu í tiltekinn tíma gegn leigu. Fólki sé þannig forðað frá því að þurfa að hrekjast úr húsnæði sínu með litlum fyrirvara og án þess að eiga í önnur hús að venda“, sagði Jóhanna þegar hún mælti fyrir frumvarpinu.

Sjá vef félagsmálaráðuneytis

2008-11-12T23:53:00.000-08:00

heimild: mbl. 13.11. viðskipti bls. 6

Námsmenn í sárri neyð fá aukalán sem verða greidd út á næsta ári!

2008-11-11T22:35:00.000-08:00

En ef námsmenn þurfa að borða í dag?

Ef námsmaður er í sárri neyð vegna ófyrirsjáanlegrar röskunar á stöðu hans og högum frá því að nám hófst í haust getur hann hann sótt um sérstakt aukalán.

Blogg Marinós G. Njálssonar og tengill á Lín hér til vinstri á síðunni.

Í skálkaskjóli Sjálfstæðisflokks í 25 ár

2008-11-11T10:46:00.000-08:00

Lífeyrissjóðir landsmanna dafna á kostnað lántakenda í skálkaskjóli Sjálfstæðisflokks í 25 ár.

Í 25 ár hefur lífeyrissjóðakerfi landsmanna dafnað í skálkaskjóli stjórnvalda sem um langt árabil hafa látið gott heita að útlán héldu áfram að vaxa með margföldum vaxtarhraða þjóðarframleiðslu. Samtímis hefur orðið breyting á tekjuskiptingu þannig að greiðslubyrði banka- og lífeyrissjóðslána hefur hækkað sem hlutfall af rauntekjum þeirra sem hafa borið skarðan hlut frá borði.

Gunnar Tómasson, fyrrverandi hagfræðingur hjá Alþjóðagjaldeyrissjóðnum
í FB 3.nóv. sl.

Afnám verðtryggingar—rétti tíminn er núna!

2008-11-10T06:31:00.000-08:00

Verðtrygging lána er séríslenskt fyrirbæri. Verðtrygging er mjög óhagstæð lántakendum og ósanngjörn þar sem þeir bera einir áhættuna af verðlagsbreytingum.
Núna er rétti tíminn til þess að afnema verðtryggingu á lánum til almennings. Fjármálakerfið á Ísland verður stokkað upp.

Verðtryggðir vextir vextir (verðbætur) sem eru reiknaðir af vöxtum. Það virðist flókið við fyrstu sýn. Aðallega vegna þess hversu arfavitlaust það er, eða stórsnjallt.

Góð lýsing á verðtryggingu

Jóhanna. ÞINN TÍMI ER NÚNA

2008-11-09T05:11:00.000-08:00

Vill Samfylkingin virkilega halda í verðtrygginguna?
Verðtrygging er: vextir ofan á vexti. Bensínverðhækkun út í heimi hækkar vexti á íslenskt húsnæði.

Jafnaðarmannaflokkur – hvað þýðir það?

Grein Jóhönnu um verðtrygginguna árið 1996.
Hvað hefur breyst?

Samfylkingin er undir járnhæl Flokksins

2008-11-09T02:09:00.000-08:00

Útspil varaformanns jafnarmannaflokksins á Borgarafundinum í Iðnó í gær, segir okkur að Samfylkingin er ekki með neina vinnu í gangi til að skoða hvernig hægt er að losna við verðtrygginguna. Einblýnum á óréttlæti verðtryggingarinnar og ráðumst þar með á stoðir þessa óréttláta íbúða- og efnahagskerfis sem við Íslendingar búum við.

Góður pistill hér

FLOKKURINN hreykir sér af "öflugum aðgerðum" ríkisstjórnar til varnar heimilum: Viljayfirlýsing, leita samráðs, vakta breytingar, eitt í einu....

2008-11-07T16:08:00.000-08:00

Gefa tíma fyrir pappírstætarana.

Tekið af vef XD (Sjálfstæðis-Flokkurinn)

Aðdáun Sjálfstæðis-flokksmanna á “öflugum” aðgerðum ríkisstjórnarinnar

Niðurstaða vefstjóra:
1. gefa tíma fyrir pappírstætara
2. gera eitt í einu
3. fjölga ráðgjöfum
4. breyta lögum svo auka megi lántökur hjá almenningi
(með auknum ábyrgðum að sjálfsögðu)
5. símanúmer
6. tilmæli
7. lýsa yfir vilja
8. leita samráðs
9. vakta breytingar

Ef þú hefur einhvern tímann komið nálægt nefndar- eða stjórnunarstörfum þá þekkirðu að þetta er ósköp lítið. Orðalag eins og lýsa yfir vilja, leita samráðs, vakta breytingar, er notað þegar ekkert er verið að framkvæmda heldur að róa liðið, setja oní skúffu. Gufa.

Og Sjálfstæðismenn eru hreyknir af þessu! Hvað með Samfylkinguna? Eruð þið hreykin af þessu?

(Vefstjóri hefur rauðlitað það sem honum þykir sérstaklega fyndið og sett inn í sviga sínar eigin bláu vangaveltur.)
--------------------------- Hér byrjar ballið:
http://xd.is

Fréttir og tilkynningar
07. nóvember 2008 | 17:43:36

Öflugar aðgerðir ríkisstjórnarinnar til að verja stöðu heimilanna

Hrun bankakerfisins hér á landi hefur valdið íslenskum almenningi, fjölskyldum og heimilum í landinu miklum erfiðleikum. Eins og kunnugt er samþykkti Alþingi svonefnd neyðarlög þann 6. október sl. til þess að lágmarka það tjón sem fall bankakerfisins myndi valda og slá skjaldborg um innlenda hlutann í starfsemi bankanna og leitaði í kjölfarið eftir samstarfi við IMF.
(Af hverju var það gert í kjölfarið? Af hverju ekki strax? Var ekki hægt að gera tvennt í einu? var það til að gefa pappírstæturunum tíma til að vinna?)

Auk þessa hefur ríkisstjórnin kynnt fjölmargar aðgerðir á þessum tíma til þess að verja stöðu heimilanna í landinu.

Efling Ráðgjafarstofu um fjármál heimilanna
(eflingin fólst í því að fjölga ráðgjöfum, ekkert annað. Og það sem ráðgjafarnir hafa leyfi til að gera er að reikna út hvort fólk geti skuldbreytt vanskilum og aukið lántökur með veðheimildum. Sömu upplýsingar getur fólk fengið á vef félagsmálaráðuneytis. Síðan sendir Ráðgjafaþjónustan fólk til viðkomandi lánastofnunar til að ganga frá pappírum).

Samræmt þjónustunet upplýsinga - grænt númer 800 1190
(símanúmer sem segir frá símanúmerum félagasamtaka hm…)

Komið til móts við námsmenn erlendis (boðið er upp á auknar lántökur)

Almenn velferð nemenda
Tilmælum var beint til skólastjórnenda og forstöðumanna opinberra stofnana að huga að almennri velferð nemenda og starfsfólks stofnana og að sérstaklega verði gætt að þeim sem kunna að hafa orðið fyrir skakkaföllum í tengslum við atburði síðustu vikna.
(Bréf frá menntamálaráðherra í upphafi október til skólameistara sem sendu bréf á kennara og beindu þeim tilmælum niður [dripple down effect]: að vera jákvæð og segja nemendum frá því að kreppan sé bara tímabundið ástand. )

Mildaðar innheimtuaðgerðir
Heimildir Íbúðalánasjóðs voru rýmkaðar til að koma til móts við lántakendur sem lenda í greiðsluerfiðleikum ásamt því að sjóðurinn mildaði innheimtuaðgerðir með tilliti til ástands efnahagsmála. (boðið er upp á auknar lántökur og leyfa gjaldþrota fólki að búa í 3 mánuði í sínum fyrrverandi íbúðum í stað eins mánaðar )

Breytingar á lánum auðveldaðar (auknar lántökur)
Þá hefur ríkisstjórnin boðað lagafrumvarp sem felli tímabundið niður stimpilgjöld af skilmálabreytingum og skuldbreytingalánum af íbúðahúsnæðisveðlánum. (fyrir lántöku á tímabilinu frá 1.okt. til áramóta)

Lenging skuldbreytingalána (auknar lántökur)
Ríkisstjórnin hefur samþykkt framlagningu frumvarps um breytingu á lögum um húsnæðismál sem heimili lengingu skuldbreytingalána vegna vanskila hjá Íbúðarlánasjóði úr 15 árum í 30 ár og að lengja upphaflegan lánstíma lána sjóðsins vegna greiðsluerfiðleika í allt að 30 ár í stað 15 eins og nú er.

Aukið námsframboð í háskólum og framhaldsskólum
Háskólar landsins hafa þegar lýst yfir vilja sínum til að bregðast við efnahagsvandanum, m.a. með auknu námsframboði á ýmsum sviðum hefðbundins náms og á vegum endurmenntunarstofnanna. Þá verður leitað samráðs við framhaldsskólana um möguleika á aðkomu þeirra að stofnun stuttra námsbrauta og tækifærum til endurmenntunar ekki síst fyrir iðnaðarmenn sem misst hafa vinnuna.

Ráðgjafar- og námsúrræði (samráð? Vakta breytingar?)
Menntamálaráðuneyti og Vinnumálastofnun taka þátt í samráði með aðilum vinnumarkaðarins sem hefur það verkefni að vakta breytingar á vinnumarkaði og hvernig er hægt að bregðast við þeim með ráðgjafar- og námsúrræðum. Áhersla er á menntun og ráðgjöf til fólks á vinnumarkaði sem hefur stutta menntun að baki.

En hvað gera fjölskyldur þangað til?

2008-11-07T03:52:00.000-08:00

Greiðsluaðlögun vonandi fyrir jól segir Jóhanna
Jóhanna Sigurðardóttir, félagsmálaráðherra, vonast til að lög um greiðsluaðlögun og -jöfnun fyrir almenning vegna húsnæðislána verði samþykkt fyrir jól. Hún segir að frysting verðtryggðra lána myndi þýða að eigið fé Íbúðalánasjóðs þurrkaðist upp á tveimur mánuðum og að lífeyrissjóðir gætu vart staðið við skuldbindingar sínar.

ruv.is

MATARSKORTUR FRAMUNDAN

2008-11-07T00:17:00.000-08:00

Mikilvægara er fyrir fjölskyldur landsins að HAMSTRA MAT en að greiða af skuldunum. Nú skella á verðhækkanir sem aldrei fyrr.

Húrra fyrir Jóni Daníelssyni og Gylfa Zoega !

2008-11-06T17:01:00.000-08:00

Ríkisstjórnin er að kveikja á perunni varðandi heimilin í landinu!

BRÁÐAAÐGERÐIR ríkisstjórnarinnar:
– rýmka og milda inheimtuaðgerðir;
– skuldbreytingar á lánum og vanskilum;
– dreifa greiðslum;
– lengja í lánum;
– frysting lána og afborgana myntkörfulána

Ríkisstjórnin beinir tilmælum til bankanna
að taka upp sömu afgreiðslu og Íbúðalánasjóður

LANGTÍMAAÐGERÐIR:
Kerfisbreyting a la Jón Daníelsson og Gylfi Zoega í athugun:
– taka upp form af kaupleigu að hluta til
– greiðsla sem leigugjald sem má breyta í eign síðar

Íslenskar fjölskyldur ættu að bíða og BORGA EKKI, SEMJA EKKI
fyrr en tryggt er að hagsmunir fjölskyldunnar sé hafðir í algjöru fyrirrúmi.

Betri er 1 fugl í hendi en 2 í skógi þegar kemur að loforðum ríkisstjórnarinnar.

Skortur á samræmi milli stofnana ríkisins (blablabla).

2008-11-06T09:48:00.000-08:00

Ekki vantaði yfirlýsingarnar frá stjórnvöldum fyrir mánuði um að mikilvægt væri að koma til móts við skuldugt fólk. Efndirnar hefði vantað.

Verið er að bera fólk út úr íbúðum sínum að kröfu ríkisbankanna.

Fólki sem missir heimili sín býðst að leigja hjá Íbúðalánasjóði.

Fólk borið út úr íbúðum sínum að kröfu ríkisbankanna.

2008-11-06T09:45:00.000-08:00

Verið er að bera fólk út úr íbúðum sínum að kröfu ríkisbankanna.

Samkvæmt vef félagsmálaráðuneytis eru bankarnir ráðgjafar um skuldir heimilanna!
Og ef heimilin eiga ekki meiri og betri veð eða auknar ábyrgðir, þá bera þau skaðann.

Hvar strandar málið um hlutakaup í íbúðum?

2008-11-06T09:44:00.000-08:00

Hugmyndir Gylfa Zoega og Jóns Danielssonar um hlutakaup í íbúðum er eitthvað sem ætti að vera í flýtimeðferð í gegnum kerfið nú. hér

Hvar er greiðsluaðlögunin fyrir fjölskyldurnar?

2008-11-06T06:05:00.000-08:00

Bankamenn bestu ráðgjafarnir? Fyrir auðmenn já, fjölskyldur nei!

Í því ljósi, sem verið er að varpa á bankastarfsemi á Íslandi, þyrfti almenningur að skoða hvort það er við hæfi að bankamenn séu ráðgjafar um skuldir heimilanna.

Margir eiga nú í erfiðleikum með að greiða af lánum sínum. Það eru breyttar aðstæður í þjóðfélaginu. Upphaflegar forsendur eru brostnar.

Ríkisstjórnin beinir því til fólks að leita til bankanna með úrræði. Bankar eru ekki réttu fjármálaráðgjafarnir í dag. Þeir stinga upp á auknum veðheimildum. Ef þær eru ekki til staðar, hvað þá?

Getur almenningur höfðað mál gegn Kaupþingi?

2008-11-05T16:30:00.000-08:00

Lántakendur Kaupþings eru settir undir einn hatt af Pétri Blöndal (í Kastljósi 5.nóv):

1) Lántakendur sem starfsmenn, sem taka lán hjá bankanum til að kaupa hlutabréf.
(Starfsmenn Kaupþings sem fengu lánað fyrir kaupunum þurfa ekki að bera persónulegaskaða af tapinu.)
og
2) venjulegt fólk sem setti íbúðir sínar að veði fyrir lánum hjá bankanum..
(Almennir lántakendur, sem fengu lánað með veði í íbúð sinni sem er orðin verðminni en áður, geta ekki staðið í skilum vegna verðbólgu en þurfa að bera tap sitt sjálfir.)

Geta almennir lántakendur Kaupþings farið í einkamál við bankann vegna mismununar?

Bankamenn ráðgjafar um skuldir heimilanna?

2008-11-05T15:14:00.000-08:00

Í því ljósi, sem verið er að varpa á bankastarfsemi á Íslandi, þyrfti almenningur að skoða hvort það er við hæfi að bankamenn séu ráðgjafar um skuldir heimilanna.

Af vef Félagsmálaráðuneytisins:

„Greiðsluerfiðleikar / Breyttar aðstæður
Allir geta lent í erfiðleikum með fjármálin og fjármögnun íbúðarhúsnæðis. Óvænt atvik geta komið upp sem breyta upphaflegum forsendum. Mikilvægt er að leita strax aðstoðar áður en vanskil verða veruleg. Bankar, sparisjóðir, Ráðgjafarstofa um fjármál heimilanna ásamt Íbúðalánasjóði veita ráðgjöf um úrlausn vandans.“

Passa að fjölskyldur lendi ekki á götunni

2008-11-04T07:41:00.000-08:00

Skoðað hvort leyft verður að selja hluta húsa
sjá einnig greiðsluaðlögun
Leitað er leiða til að leysa vanda fjölskyldnanna.

Félagsmálaráðuneytið skoðar hvort veita eigi Íbúðalánasjóði og lífeyrissjóðunum leyfi til að eignast hlut í fasteignum landsmanna í stað þess að eigendur þeirra verði teknir til gjaldþrotaskipta.

Hagfræðingarnir Gylfi Zoëga og Jón Daníelsson hafa bent á þá leið til að bjarga fjárhag fölskyldna. Hugmyndin er nú meðal annarra sem ráðuneytið skoðar.

Einnig er í skoðun að veita Íbúðalánasjóði leyfi til að leigja þeim sem missa íbúðir sínar þær aftur líklegast miðast við verð á leigumarkaði.

Ákvörðunin liggur ekki fyrir
Jón og Gylfi settu hugmyndina um að selja lánveitendum hluta heimila og lækka þannig afborgunina fyrst fram í aðsendri grein í Morgunblaðinu og fullyrtu í Silfri Egils á sunnudag að þeir hefðu fengið álit lögfræðinga á því að þessi leið væri fær með einu pennastriki, það er lagabreytingu. Hrannar segir ráðuneytið skoða hvaða lögum þyrfti að breyta og bendir á að meðal annars þyrftu lífeyrissjóðirnir leyfi til að eiga íbúðir.

Betra að kaupa en endurleigja
Gylfi bendir á að sú leið að endurleigja þeim sem missi íbúðir sínar sé ekki eins skynsamleg og að kaupa hlut. Íbúðalánasjóður fengi lítið upp í lán þess sem yrði gjaldþrota þar sem íbúðaverð lækkaði. Þá mætti einnig búast við að umgengnin um húseignina breyttist. „Ef fyrrverandi eigandi er orðinn leiguliði hefur hann ekki lengur hagsmuni af því að vernda verðmæti hússins.“

Gylfi bendir einnig á að kaupleiðin sé ákjósanlegri en að bjóða upp á lengri afborgunartíma lána. „Allir þurfa að draga saman lífskjörin á næstunni og því má búast við að flestir vilji lengingu í láninu. Þá myndu einnig margir freistast til þess að lengja í láninu til að auka neysluna. Með því að bjóða kaup á hluta eignanna væri unnt að koma í veg fyrir slíka misnotkun.“ Setja yrði reglur sem tryggðu að íbúðareigandinn ætti forgangsrétt að eignarhlut sjóðsins og að sjóðurinn gæti ekki ákveðið að selja íbúðina. Einnig að viðhald eignarinnar væri ekki á ábyrgð hans.

„Síðan seldi eigandinn íbúðina þegar hann fengi hvað mest fyrir hana og þá fengi Íbúðalánasjóður hlut sinn greiddan til baka.“

Tekið úr mogganum 4.nóv. bls. 4

Réttaraðstoð [fyrir einstaklinga] að leita nauðasamninga

2008-11-03T09:27:00.000-08:00

Markmið nauðasamninga [einstaklinga] er að ráða bót á ógjaldfærni skuldara og þá einkum með því að lækka skuldir svo bæði verði jafnvægi milli þeirra og eigna til að skuldari verði frekar fær um að standa í skilum.

Upplýsingar um réttaraðstoð til að leita nauðasamninga samkvæmt lögum nr. 65/1996 og leiðbeiningar með umsókn (smellið hér)
(á vef dómsmálaráðuneytis)

I.Réttaraðstoð [fyrir einstaklinga] að leita nauðasamninga.
Lög um réttaraðstoð við einstaklinga til að leita nauðasamninga, nr. 54/1996 tóku gildi 1. júlí 1996. Samkvæmt lögunum getur dómsmálaráðherra veitt einstaklingum réttaraðstoð í formi fjárhagsstuðnings til að standa straum af kostnaði við að koma á nauðasamningi. Réttaraðstoðin tekur til kostnaðar af aðstoð við að leita nauðasamnings ásamt tryggingu fyrir kostnaði við undirbúning og gerð nauðasamnings. Réttaraðstoðin getur þó ekki numið hærri fjárhæð samanlagt en 250.000 krónum handa hverjum umsækjanda (miðað við vísitölu neysluverðs í febrúar 1995, 174,9 stig)

II. Almennt um nauðasamninga.
Nauðasamningur er samningur um greiðslu skulda eða eftirgjöf á þeim, sem kemst á milli skuldara og nauðsynlegs meirihluta lánardrottna hans og hlýtur síðan staðfestingu fyrir dómi. Markmið nauðasamnings er að ráða bót á ógjaldfærni skuldara og þá einkum með því að lækka skuldir svo bæði verði jafnvægi milli þeirra og eigna til að skuldari verði frekar fær um að standa í skilum, eða með því að lengja gjaldfrest eða breyta á annan hátt greiðslukjörum. Um nauðasamninga fer skv. ákvæðum gjaldþrotalaga, laga nr. 21/1991. Ákvæði gjaldþrotalaga fela í sér að skuldari þarf að afla heimildar dómstóls til að leita slíks samnings, sem er veitt með dómsúrskurði. Samningsumleitanir sem taka við í kjölfarið eru í höndum sérstaks umsjónarmanns, sem er skipaður af dómstólnum um leið og heimildin er veitt.

Auknar veðsetningar íslenskra fjölskyldna: Aftur og nýbúinn

2008-11-03T09:14:00.000-08:00

Skilyrði fyrir frestun greiðslna hjá Íbúðalánasjóði eru afarkostir:

1. Að greiðsluerfiðleikar stafi af óvæntum tímabundnum erfiðleikum vegna veikinda, slysa, minni atvinnu, atvinnuleysis eða öðrum ófyrirséðum atvikum.
(ófyrirséð atvik hljóta að vera verðtrygging og hækkun vaxta)

2. Að aðrir lánardrottnar umsækjanda samþykki einnig að veita aðstoð vegna greiðsluerfiðleika.
(nauðasamningar? )

3. Að greiðslubyrði umsækjanda samkvæmt greiðslumati sé umfram greiðslugetu. (greiðslugeta miðist við hvað? Fyrst þarf að borða)

4. Að greiðslubyrði umsækjanda eftir skuldbreytingu og/eða frestun á greiðslum rúmist innan greiðslugetu.
(veit íslenskt launafólk eða bankafólkið hvað gerist í nánustu framtíð? Atvinna, hækkandi matarverð)

5. Að lán sé í skilum.
(en hvað gera þeir sem eru ekki í skilum vegna ofurskuldsetningar v/verðtryggingar og okurvaxta?)

Ef ástæða greiðsluerfiðleika er tímabundin tekjulækkun skal í mati á greiðslugetu miða við tekjur umsækjanda áður en tekjur lækkuðu.

(íslenskt launafólk getur bókað það að um skuldbreytingar verði að ræða, með auknum veðsetningum í húsnæði sínu eða fjölskyldu sinnar og það eina sem verður gefið eftir eru stimpilgjöld)

Bönkunum, ríkisstjórn, Seðlabanka, Fjármálaeftirliti og Alþingi að kenna, ekki venjulegum Íslendingum.

2008-11-03T07:32:00.000-08:00

Gott að spilaborgin hrundi

Mánudaginn 3. nóvember, 2008 - Innlendar fréttir Morgunblaðsins
Eftir Elvu Björk Sverrisdóttur elva@mbl.is

Ábyrgðin vegna íslenska efnahagshrunsins liggur fyrst og fremst hjá bönkunum, ríkisstjórn, Seðlabanka, Fjármálaeftirliti og Alþingi. Þetta segir norski hagfræðingurinn Harald Magnus Andreassen, hagfræðingur hjá norska verðbréfafyrirtækinu First Securites, en hann hefur kynnt sér íslensk efnahagsmál.

„Þessar stofnanir samfélagsins eru ábyrgar með einum eða öðrum hætti. En ekki venjulegt fólk, Jón og Gunna,“ segir Andreassen.

Andressen segist ekki skilja hvers vegna ekki var gripið í taumana áður en í óefni kom á Íslandi. „Það er ekki hægt að kenna alþjóðlegu fjármálakreppunni um ófarir Íslands. Það eru tvö og halft ár síðan ég skrifaði um stöðuna á Íslandi og benti þar á að eitthvað undarlegt ætti sér stað. Ég hef fengið margs konar viðbrögð frá hagfræðingum og bankamönnum víða að. Þar hefur verið bent á að það sem væri að gerast á Íslandi, bæði í efnahagslífinu og hvað varðaði vöxt bankanna, gæti ekki byggst á góðri hagfræði. Og sú reyndist raunin.“ „Að vissu leyti má segja að það hafi verið gott að þessi spilaborg hrundi núna en ekki eftir tvö til þrjú ár. Þá hefði þetta orðið ykkur enn dýrkeyptara. Það hefði átt að vera búið að stoppa ykkur fyrir löngu, en þið voruð heppin að hrunið varð núna.“ segir hann.

Andreassen kveðst telja að Norðmenn hafa takmarkaðan áhuga á að taka á sig byrðar vegna íslenska efnahagshrunsins. „Ég á ekki von á því að Norðmenn séu reiðubúnir að leggja háar fjárhæðir í að greiða niður skuldir Íslendinga. Þið skuldið miklu meira en þið getið greitt þjáningalaust. Ég býst við að flestir Norðmenn myndu segja – látum þá þjást um tíma. Þetta er ekki okkar vandamál. En við myndum ekki láta ykkur svelta.“

Lífeyrissjóðslán fryst í sex til tólf mánuði

2008-11-03T07:07:00.000-08:00

Lífeyrissjóðirnir komi til móts við sjóðfélaga í greiðsluerfiðleikum.

Mánudagur 3. 11. 08

Landssamtök lífeyrissjóða beina því til lífeyrissjóðanna að bjóða sjóðfélögum í greiðsluerfiðleikum að „frysta“ lífeyrissjóðslán sín í sex til tólf mánuði, til að byrja með, með því að breyta lánaskilmálum tímabundið.

Þá mælast Landssamtökin til þess að lífeyrissjóðir taki upp nánara samstarf við Ráðgjafarstofu um fjármál heimilanna til að auðvelda sjóðfélögum í vanda að fá heildstæða mynd af stöðu sinni og hvaða leiðir séu til ráða. Ennfremur efli lífeyrissjóðir upplýsingamiðlun til þeirra sem eru í vanda staddir eða eru að kanna sjálfir hvernig þeir eigi að komast hjá því að lenda í fjárhagsvandræðum.

Stjórn Landssamtaka lífeyrissjóða skipaði um miðjan október starfshóp til að fjalla um greiðsluvanda sjóðfélaga og tillögur til úrbóta. Starfshópurinn vann hratt og skilaði af sér tillögum nú fyrir helgi ásamt greinargerð. Stjórn Landssamtakanna hefur fjallað um tillögurnar og samþykkt að gera þær að sínum. Tillögurnar hafa verið sendar til lífeyrissjóða innan vébanda Landssamtaka lífeyrissjóða til umfjöllunar.
(plaggið allt sjá tengil á Lífeyrissjóði hér til vinstri á vef)

Gjaldþrotalöggjöfina úr sambandi og lengið í lánum fólks og/eða kaupið af fólki.

2008-11-03T06:52:00.000-08:00

Ríkið getur hjálpað fjölskyldum með því að kippa gjaldþrotalöggjöfinni úr sambandi og lengt í lánum fólks eða keypt hluta af fasteignum þess.

Ísland skólabókardæmi um hvernig ekki á að bregðast við kreppu
Vísir, 02. nóv. 2008 16:30

Varðandi heimilin í landinu sagði Jón að ríkið gæti gert ýmislegt til að hjálpa, til dæmis mætti kippa gjaldþrotalöggjöfinni úr sambandi í þrjá mánuði þannig að enginn verði gerður gjaldþrota. Og varðandi þá sem standa verst, geti ríkið eða bankarnir, sem séu eitt og hið sama, lengt í lánum fólks eða keypt hluta af fasteignum þess. Síðan eftir einhver ár, þegar betur stendur á eða fasteignin seld, fái ríkið sinn hlut endurgreiddan.

Ráðstafanir til að vernda fjölskyldur
Úrdráttur á þessum vef, úr grein eftir hagfræðingana Gylfa Zoëga og Jón Daníelsson
birtist í mogganum, mánudag 27.okt.

Ævilangur þrældómur eða hætta að borga?

2008-11-02T04:48:00.000-08:00

Er vont að verða gjaldþrota? Ef nógu margir hætta að borga af verðtryggðum lánum þá verður fjöldagjaldþrot og þá verður ríkisvaldið að bregðast við. Þannig er mögulegt að knýja fram breytingar.
Þetta var að skilja á Sigrúnu Elsu Smáradóttur borgarfulltrúa í Silfri Egils.

Alvarlegir fjárhagserfiðleikar hjá 14.000 Íslendingum fyrir bankahrun. Hver er talan í dag?

2008-10-31T15:20:00.000-07:00

Hartnær fjórtán þúsund Íslendingar eru í alvarlegum fjárhagserfiðleikum.
Einstæðir feður eru mun líklegri til að lenda í vanskilum en einstæðar mæður en langfjölmennasti hópur þeirrra sem eru á vanskilaskrá eru barnlausir karlmenn. Þetta kemur fram í nýrri skýrslu frá Creditinfo Ísland.

Í ljósi aðstæðna í þjóðfélaginu hefur Creditinfo, fyrirtæki sem heldur utan um vanskil landsmanna, tekið saman vanskilastöðu fólks og fjölskyldna í landinu. Það skal tekið fram að þeir sem lent hafa í erfiðleikum eftir bankahrunið hafa enn ekki ratað inn á vanskilaskrá. Hins vegar hefur fólki í vanskilum fjölgað verulega á þessu ári, þrjátíu prósent fleiri hafa lent á vanskilaskrá fyrstu níu mánuði ársins, miðað við allt árið í fyrra.

Það kemur líklega fæstum á óvart að flestir á vanskilaskrá eru með mánaðartekjur undir 250 þúsund krónum eða upp undir helmingur. En það eru einhleypar konur sem flestar ná endum saman, aðeins 3,8 prósent þeirra eru í vanskilum.

Staða þeirra snarversnar þegar þær eru komnar með börn og eru einstæðar, en 13,4 prósent einstæðra mæðra eru í vanskilum. Einstæðir feður eiga enn erfiðara með að standa í skilum því 18,4 prósent þeirra eru á vanskilaskrá. Stærsti hópurinn á skránni, eru einhleypir karlmenn, rösklega 6600 þeirra er í vanskilum, eða 11,7 prósent allra einhleypra karlmanna. Þá eru fimm prósent barnlausra para í hjónabandi eða sambúð í vanskilum og 6,9 prósent para með börn.

[visir.is]

Efnahagsleg rök og sanngirni mæla með því að verðtrygging á lánum til heimilanna verði alfarið bönnuð.

2008-10-31T11:29:00.000-07:00

Ísland eina landið sem verðtryggir skuldir heimilanna

Jóhanna Sigurðardóttir, alþingism. (Mbl. 2.nóvember, 1996)

Efnahagsleg rök og sanngirni mæla með því að verðtrygging á lánum til heimilanna verði alfarið bönnuð. Að ríkisstjórnin sé föst í gamla verðbólguhugsunarhættinum.

RÍKISSTJÓRNIN telur að sívaxandi skuldir heimilanna séu merki um að heimilin eyði um efni fram. Ríkisstjórnin talar minna um að heimilin í landinu eru oft neydd til að taka lán til að eiga til hnífs og skeiðar frá degi til dags og fyrir gluggaumslögunum frá lánastofnunum vegna skulda sem sífellt vefja upp á sig. Ríkisstjórnin talar heldur ekki um hvernig verndarstefnan og ofurtollar í landbúnaði, sem heimilin eiga enga sök á, hafa aukið skuldir heimilanna.

Grænmetisverð eykur skuldir heimilanna
Stöðugleiki hefur ríkt í efnahagslífinu á udanförnum árum- fyrir tilstuðlan launafólks og verðbólgan verið með því minnsta sem þekkist. Fólkið skilur því ekki hvernig höfuðstóll skuldanna vex sífellt. Er nema von að það skilji ekki ástæðurnar, eins og þegar kartöflur hækkuðu tímabundið í sumar, þá leiddi vísitalan og verðtrygging til þess að skuldir heimilanna jukust um 500 milljónir króna. Hækkun á grænmeti á einu ári, sem mörg heimili hafa ekki efni á að kaupa vegna ofurtolla og verndarstefnu ríkisstjórnarinnar, juku engu að síður skuldir heimilanna um 1300 milljónir króna.

Verðtryggð lán ekki afnumin
Undirrituð beindi fyrirspurn til viðskiptaráðherra á Alþingi um verðtryggingu lána og skuldir heimilanna. Þar kom margt athyglisvert fram sem kallar á viðbrögð.

Meginniðurstaðan er að verðtrygging er ekki á lánum til heimila í löndum OECD, að Íslandi undanskildu. Notkun hennar í öðrum löndum hefur einskorðast við ríkisskuldabréf en þó í mjög litlum mæli. Skuldir heimila í árslok verða 350 milljarðar króna og hafa aukist á þessu ári um 25 milljarða króna. 90% af lánunum eru verðtryggð, en einungis 10% óverðtryggð.

Af hálfu stjórnvalda eru engin áform uppi um að takmarka verðtryggingu lána, umfram það sem þegar hefur verið ákveðið.

Staða heimilanna hér og á hinum Norðurlöndunum
Skuldir heimilanna á hinum Norðurlöndum hafa farið hraðminnkandi frá 1986. Hér á landi hafa þær farið vaxandi á þessum tíma og voru á síðasta ári 125% af ráðstöfunartekjum eða 25% umfram það fé sem heimilin hafa til ráðstöfunar. Gjaldþrot heimilanna hafa vaxið gífurlega. Á árinu 1993 voru þau 414 á árinu 1995 871 gjaldþrot. Þannig hafa gjaldþrot heimilanna meira en tvöfaldast á 2 árum. Laun og lífskjör eru hér með því lægsta sem þekkist og vinnutími hvað lengstur. Auk þess þurfa íslensk heimili að búa við verðtryggingu á lánaskuldbindingum sínum sem hvergi þekkist innan landa OECD. Því til viðbótar eru bæði raunvextir og nafnvextir mun hærri hér á landi. Þannig voru nafnvextir um 23% hærri á Íslandi, en hinum Norðurlöndum í október sl., þó verðbólgan sé svipuð í þessum löndum.

Ríkisstjórnin hefur enga trú á stöðugleikanum
Stöðugleiki, lítil verðbólga og lengst af jákvæður viðskiptajöfnuður hefur ríkt hérlendis á síðustu misserum. Jafnframt sýna mörg fyrirtæki mikinn hagnað og greiða niður skuldir sínar.

Þessi umskipti í efnahags- og atvinnulífi má að langmestu leyti þakka launafólki, en afleiðing þess hefur bitnað á launafólki, með auknum skuldum þeirra og litlum launahækkunum. Allt þetta ætti nú að skapa forsendur til að afnema verðtryggingu á fjárskuldbindingum heimilanna. En allt kemur fyrir ekki. Rökstuðningur ráðherrans í svari við fyrirspurn minni byggist á gamla verðbólguhugsunarhættinum, sem ríkisstjórnin virðist föst í. Hún hefur enga trú á að stöðugleikinn haldist til frambúðar.

Er Ísland öðruvísi?
Það vekur líka athygli í svari ráðherrans að þó stjórnvöld hafi þegar ákveðið að banna verðtryggingu á sparifé landsmanna frá 1. janúar árið 2000 stendur ekki til að banna verðtryggingu útlána umfram það sem þegar hefur verið ákveðið á skammtímalánum. Það mæla bæði efnahagsleg rök og sanngirni með því að verðtrygging á lánum til heimilanna verði alfarið bönnuð á næstu misserum.

Við viljum ekki endurtaka leikinn frá 1983 að kippa úr sambandi verðtryggingu launa en ekki lána. Ríkisstjórnin kemst ekki hjá því að svara af hverju Ísland, sem býr við svipað efnahagsumhverfi og þjóðir sem við berum okkur saman við, hafi eitt landa verðtryggingu á lánum til heimilanna. Og það sem verra er. Ætli að viðhalda henni. Því verður að breyta.

http://www.althingi.is/johanna/greinar/safn/000017.shtml

Hvað er eðlileg greiðslugeta?

2008-10-31T06:59:00.000-07:00

Aðrir lánadrottnar samþykki að veita aðstoð vegna greiðsluerfiðleika ef talin er þörf á því.
Að greiðslubyrði samkvæmt greiðslumati sé umfram greiðslugetu.
Aðreiðslubyrði umsækjenda eftir skuldbreytingu eða frestun á greiðslum eða lengingu lánstíma rúmist innan greiðslugetu hans. (úr hádegisfréttum rúv 31.nóv. um aðferðir Íbúðalánasjóðs.)

En hvernig er greiðslugetan mæld? Má fólk borða, hafa áhugamál, kaupa föt. Hvað er eðlileg greiðslugeta? Hver ákveður hvað er eðlilegt?

Hvað ætlar sjóðurinn að gera við húsnæðið?

2008-10-31T06:54:00.000-07:00

Þeir sem missa húsnæði sitt á uppboð geta nú verið þar í þrjá mánuði í stað eins áður. (úr hádegisfréttum rúv 31.nóv. um aðferðir Íbúðalánasjóðs.)

Hvað ætlar sjóðurinn að gera við húsnæðið eftir 3 mánuði?

Er þetta eignaupptaka?

2008-10-31T06:53:00.000-07:00

Heimilt verður að afturkalla nauðungarsölubeiðni gegn greiðslu þriðjungs vanskila í stað helmings áður. (úr hádegisfréttum rúv 31.nóv. um aðferðir Íbúðalánasjóðs.

Ef þú getur ekki greitt helming vanskila og ert komin með nauðungarsölubeiðni í hendurnar, þá er ekki líklegt að þú getir greitt þriðjung (nema þú fáir veð hjá öldruðum ættingjum og afhendir lánastofnuninni stærri hlut í fasteignum annarra)

Lengt í hengingarólinni

2008-10-31T06:47:00.000-07:00

Aukning er á greiðsluerfiðleika-umsóknum til Íbúðalánasjóðs.

Búist við að umsóknum til sjóðsins vegna greiðsluerfiðleika eigi eftir að fjölga mikið því samkvæmt upplýsingum Íbúðalánasjóðs fjölgar beiðnum á hverjum degi.

Sjóðurinn hefur breytt reglum sínum varðandi frest:
Frestur frá gjalddaga til greiðsluáskorunar verður 4 til 4 og hálfur mánuður en var áður um það bil helmingi styttri. (úr hádegisfréttum rúv 31.nóv. um aðferðir Íbúðalánasjóðs.

Verður auknum vanskilakostnaði bætt við þegar skuldbreytt verður með auknum ábyrgðum?

Eru lausnirnar alltaf að lengja í hengingarólinni?

10 bætast við á vanskilaskrá á hverjum degi

2008-10-31T04:55:00.000-07:00

Fyrstu 28 dagana í október bættust við 280 einstaklingar á vanskilaskrá.

Hvað var íslenska fjármálaeftirlitið á gera í mars?

2008-10-31T02:57:00.000-07:00

Intrum Justitia berst fyrir starfsleyfi sínu í Noregi

5.3.2008 mbl.is

Norska fjármálaeftirlitið stendur fast við ákvörðun sína um að innheimtufyrirtækið Intrum Justitia missi starfsleyfi sitt í Noregi og hefur vísað frá áfrýjun fyrirtækisins. Eftirlitið hefur sakað fyrirtækið um ítrekuð brot á reglugerðum um innheimtu en fyrirtækið starfar enn og hefur um 100 starfsmenn.

Vefsíða norska viðskiptablaðsins Dagens Næringsliv segir frá þessu.

Í nóvember á síðasta ári ákvað fjármálaeftirlit Noregs að ógilda starfsleyfi fyrirtækisins vegna „umfangsmikilla og langvarandi" brota á reglugerðum allt frá árinu 2004 og fram á síðasta ár.

Meðal þess sem fyrirtækið hefur verið sakað um er að senda út aðvaranir áður en fjórtán dagar eru liðnir frá eindaga og innheimta dráttarvexti. Þá hefur það verið gagnrýnt að starfsfólk sem áður hafi misst leyfi til að stunda innheimtu gegni mikilvægum stöðum hjá fyrirtækinu.

Intrum Justitia unir ekki ákvörðun eftirlitsins og hefur vísað málinu til dómsmálaráðuneytisins, en þar verður tekin endanleg ákvörðun um það hvort brotin réttlæti starfsleyfismissi. Ekki er búist við því að hún liggi fyrir fyrr en í sumar og heldur fyrirtækið starfsleyfinu þangað til.

Um 100 starfsmenn starfa hjá fyrirtækinu og hefur það um 8.000 viðskiptavini.

Gerum lánastofnanir meðábyrgar fyrir því að lána einstaklingum meira en þeir ráða við að borga af.

2008-10-30T17:28:00.000-07:00

Greiðsluaðlögunar-lög

Í Noregi (líklega á hinum Norðurlöndunum líka) eru greiðsluaðlögunarlög cirkabát þannig að:

fólk sem ræður ekki við greiðslur fær einhverja niðurfellingu skulda.
Þetta þýðir að lánastofnanir eru gerðar meðábyrgar fyrir því að lána einstaklingum meira en þeir ráða við að borga af.

Neytendasamtökin vilja flýta lagasetningu um greiðsluaðlögun

Neytendasamtökin segja brýnt að tryggja hag almennings og heimilanna í landinu í þeim erfiðleikum sem steðja að þjóðinni. Vilja samtökin að alþingi flýti afgreiðslu frumvarps um greiðsluaðlögun, eins og fram kemur á heimasíðu samtakanna. Samtökin telja að reyna muni á slíka lagasetningu við núverandi aðstæður. "Á þeirri ögurstund sem nú er í íslensku efnahagslífi treystir stjórn Neytendasamtakanna því að allt verði gert til að tryggja hag sparifjáreigenda og að gætt verði að hagsmunum almennra lántakenda í þeim aðgerðum sem gripið verður til. Stjórnvöld verða að líta fyrst og fremst á hag og hagsmuni almennings og heimilanna í landinu. Því fagna Neytendasamtökin þeim yfirlýsingum frá ráðherrum ríkisstjórnarinnar að hagur sparifjáreigenda verði tryggður og hagsmunir almennings séu einir hafðir að leiðarljósi í þeim erfiðu aðgerðum sem í hönd fara" segir í frétt samtakanna.

Þá telja Neytendasamtökin afar brýnt að séð verði til þess að reglur Íbúðalánasjóðs vegna greiðsluerfiðleika lántakenda verði þannig að komast megi hjá verulegum greiðsluerfiðleikum og gjaldþrotum. "Stjórn Neytendasamtakanna heitir á samstöðu allra aðila í þjóðfélaginu, almennings, fyrirtækja og félagasamtaka að mynda órjúfandi samstöðu um að vinna þjóðina út úr þeim erfiðleikum sem nú steðja að. Neytendasamtökin munu gera það sem í valdi þeirra stendur til að vinna að samstöðu um lausn vandans og leggja sitt að mörkum til að lágmarka megi það tjón sem orðið er og sem gera má ráð fyrir að muni verða" segir ennfremur.

[af vef skutull.is]

Innheimtuferlum Intrum breytt snarlega

2008-10-30T15:09:00.000-07:00

Stytting í innheimtuferli. Breyting á innheimtufyrirkomulagi að flytja kröfur til Intrum um leið og þær falla í eindaga. Áður hafa alltaf liðið 20 dagar. Það er greinilegt að þeir hjá Inrum hafa ekki tekið eftir skilaboðum nýju eigendanna þ.e. frá Jóhönnu félagsmálaráðherra og ætla að “græða” á ástandinu.

Algjörlega siðlaust

Mál þetta er í raun tvíþætt. Í gærmorgun hringdi þjónustufulltrúi Intrum í mig og bauð mér að stytta í ferlinu svo ég ætti meiri möguleika á því að fá kröfurnar greiddar. Þessi samskipti voru munnleg og hef ég ekkert tilboð í höndunum. Hjá okkur virkar kerfið þannig að nokkrum dögum eftir að krögur falla í eindaga fá viðskiptavinir bréf frá innheimtubankanum og 20 dögum eftir eindaga fara kröfurnar sjálfkrafa í innheimtu til Intrum.

Þessi þjónustufulltrúi vildi meina að núna væri meiri hætta á að fyrirtæki færu á hausinn en áður (ekki að ástæðulausu) og því væri ráðlegt að gefa fyrirtækum styttri tíma til að borga og tryggja sig þannig. Vissulega er þetta rökrétt en ég afþakkaði boðið því mér finnst það siðferðislega rangt og ekki í takt við að þjóðin og fyrirtækin taki höndum saman og þrauki á erfiðum tímum. Ef allir hugsa eins og ráðgjafarnir í Intrum verður keðjuverkunin sú að allt lamast. Allir fara þráðbeint á hausinn því enginn gefur öðrum séns eða tíma.

Ég hefði haldið að til lengri tíma litið væri skynsamlegra að lengja ferlið og eiga þannig meiri möguleika á að fá greitt. Alla mína starfsæfi hef ég með einum eða öðrum hætti komið að innheimtumálum og mér hefur alltaf fundist best að koma fram við skuldarana af virðingu og gefa þeim þann tíma sem þeir þurfa. Það skilar sér í betri innheimtu bæði í krónum talið og þannig innheimta skemmir ekki viðskiptasamband við viðkomandi og viðskiptin geta haldið áfram með eðlilegum hætti.

Hin vinkillinn er að ég fékk innheimtubréf frá Intrum fyrir hönd Samskipa, þar er að vísu verið að rukka mig um reikning sem var rangur og ég var búin að senda þeim tölvupóst um að leiðrétta reikninginn. Fyrir einhver mistök hjá Samskip hefur það enn ekki verið gert. Mistök verða alltaf það er ekki málið, þessi reikningur verður líkast til leiðréttur fljótlega. Það sem vakti athygli mína var að krafan fór í Intrum strax á eindaga, sjá meðfylgjandi bréf og fylgibréf sem var í sama umslagi og segir frá breyttum innheimtuaðgerðum.

Ekki nóg með það, öllu kurteisishjali var sleppt og innheimtan er komin í lokaviðvörun strax 4 dögum eftir eindaga. Satt að segja finnst mér þetta frekar léleg vinnubrögð hjá Samskipum og ráðgjöfum þeirra í Intrum.

Reikningur er gefinn út í byrjun mánaðar, hann er settur í póst löngu seinna (7-10 dögum) þann 20 fellur reikningur í eindaga og er strax sendur til Intrum og er þar kominn í lokameðferð. Kannski er mér misboðið því reikningurinn er rangur en ég held að þó reikningurinn hefði verið réttur og ég hefði ekki greitt á réttum tíma einhverra hluta vegna (peningaleysi eða mistök) væri mér samt misboðið.

Ég get ekki betur séð en að með þessu sé Intrum að fjölga skjólstæðingum/fórnarlömbum og þannig að taka inn meiri veltu og aukinn gróða í kreppunni. Það má vel vera að þetta sé löglegt en þetta er algjörlega siðlaust.

Landsbankinn neitar að frysta verðtryggt íbúðalán

2008-10-30T12:50:00.000-07:00

Í fréttum Stöðvar2 kom fram að Landsbankinn neitar að frysta greiðslur af verðtryggðu íbúðaláni.

Fjölskyldur missa heimili sín

2008-10-30T07:16:00.000-07:00

Aukin harka í innheimtu: Hver á Intrum?

2008-10-29T11:10:00.000-07:00

Aðaleigendur fyrirtækisins Intrum eru Landsbanki Íslands, Sparisjóðirnir og Intrum Justitia.

29.okt., kvöldfréttir RÚV, kom fram að aukin harka er sett í innheimtu.

Intrum vill stytta í venjubundnum greiðslufresti reikninga.

Greiðsluerfiðleikar fólks sem er að borga af íbúðarhúsnæði (úr bækling ASÍ)

2008-10-29T06:45:00.000-07:00

Eru einhver úrræði hjá Íbúðarlánasjóði fyrir fólk sem er komið í þrot með greiðslur?
Svar: Já - Íbúðarlánasjóður hefur nokkur úrræði sem hægt er að grípa til þegar lántakendur hjá sjóðnum eru komnir í greiðsluerfiðleika. Verður hverri leið gerð skil hér á eftir. Hér eru mjög góðar upplýsingar frá Íbúðarlánasjóði.

Eru einhver úrræði til staðar fyrir fólk sem tók íbúðarlán í erlendri mynt?
Svar: Já - í nýsettum neyðarlögum er Íbúðarlánasjóði veitt heimild til að koma að og endurfjármagna lán fjármálafyrirtækja sem tryggð eru með veði í íbúðarhúsnæði. Ef þessi lán verða yfirtekin af Íbúðarlánasjóði mun lántakendum þessara lána standa til boða sömu úrræði vegna greiðsluerfiðleika eins og þeim sem tóku lán hjá sjóðnum.

Við hvern á að hafa samband til að fá upplýsingar og hjálp í greiðsluerfiðleikum?
Svar: Ýmist snúa skuldarar sér beint til Íbúðarlánasjóðs, viðskiptabanka og/eða Ráðgjafastofu heimilanna.

Í hvaða tilfellum er haft beint samband við Íbúðarlánasjóð?
Svar: Þegar skuldari gerir samning um greiðsludreifingu skulda í allt að 18 mánuði og þegar óska þarf frestunar á greiðslum vegna sölutregðu eignar við kaup á annarri eign.

Ég er komin í vanskil með lán en innheimtuaðgerðir eru ekki hafnar – hvað get ég gert?
Svar: Hafa samband við Íbúðarlánasjóð og gera samning um greiðsludreifingu gjaldfallina skulda auk afborgana í allt að 18 mánuði. Innheimtuaðgerðir stöðvast sjálfkrafa við samninginn.

Ég er komin í vanskil með lán og innheimtuaðgerðir eru hafnar – hvað get ég gert?
Svar: Hafa samband við Íbúðarlánasjóð og gera samning um greiðsludreifingu gjaldfallina skulda auk afborgana í allt að 18 mánuði. Innheimtukostnaður fellur ekki niður.

Skuldir eru orðnar svo miklar að ég er að missa íbúðina (nauðungarsölubeiðni)– hvað get ég gert?
Svar: Hafa samband við Íbúðarlánasjóð og greiða 50% þess sem í vanskilum er. Ekki hægt að semja um frest á fyrstu fyrirtöku uppboðs og eingöngu greiðslur koma til greina. Sé þetta gert afturkallar Íbúðarlánasjóður nauðungarsölubeiðnina.

Ég er komin í greiðsluerfiðleika sem stafa af óvæntum tímabundnum erfiðleikum s.s. veikindum, slysi, minni atvinnu, atvinnuleysis eða af öðrum ófyrirséðum atvikum – hvað get ég gert?
Svar: Hafa samband við sinn banka eða sparisjóð sem fer yfir umsókn um skuldbreytingu vanskila sem hægt er að breyta í nýtt lán til 5 – 15 ára. Viðskiptabankinn gerir síðan tillögu til Íbúðarlánasjóðs um framkvæmd.

Ég er komin í meiriháttar vanskil og í raun þrot með öll mín fjármál – hvað get ég gert?
Svar 1: Hafa samband við sinn banka, sparisjóð og/eða Ráðgjafastofu heimilanna sem fara yfir umsókn um frestun á greiðslum. Þessir aðilar gera síðan tillögu til Íbúðarlánasjóðs sem er heimilt að veita skuldara frestun (frystingu) á lánagreiðslum í 3 ár.
Svar 2: Hafa samband við sinn banka, sparisjóð og/eða Ráðgjafastofu heimilanna sem fara yfir umsókn um frestun á greiðslum. Þessir aðilar gera síðan tillögu til Íbúðarlánasjóðs sem er heimilt að lengja upphaflegan lánatíma um allt að 15 ár.

Úr bækling así, nálgist hér (word-skjal)

Frysting á myndkörfulánum

2008-10-28T14:53:00.000-07:00

Viðskiptaráðuneytið hefur í dag rætt við alla bankastjóra hinna nýju ríkisbanka til að tryggja að þjónusta við viðskiptavini bankanna sé í samræmi við tilmæli ríkisstjórnarinnar um frystingu myntkörfulána.

Ríkisstjórnin hefur beint þeim tilmælum til hinna nýju ríkisbanka að þeir frysti afborganir og vexti af myntkörfulánum tímabundið, sé þess óskað, þar til eðlileg (hver ákveður hvað er eðlilegt?) virkni kemst á gjaldeyrismarkaðinn. Ennfremur að ekki verði sérstakrar greiðslu krafist af viðskiptavinum vegna þessa.

Mælst er til að bankarnir krefji viðskiptavini ekki um frekari tryggingar né láti nýtt greiðslumat fara fram vegna tímabundinnar frystingar á myntkörfulánum.

Í ljósi framangreinds er athygli viðskiptavina nýju bankanna vakin á því að þeir geti óskað eftir frystingu á myntkörfulánum, óháð efnahag sínum.

Í tilmælunum var því einnig beint til ríkisbankanna að þeir bjóði viðskiptavinum sínum í greiðsluerfiðleikum upp á sams konar úrræði og Íbúðalánasjóður hefur gert, sbr. ils.is. Þess er vænst að önnur fjármálafyrirtæki veiti sömu fyrirgreiðslu.

Bent skal á að fjármálaráðherra mun á næstu dögum leggja fram á Alþingi frumvarp til breytingar á lögum um stimpilgjöld, þar sem lagt er til að skjöl sem gefin eru út á tímabilinu frá gildistöku laganna til 1. janúar 2009 og fela í sér breytingar á skilmálum á fasteignaveðskuldabréfum einstaklinga verði undanþegin greiðslu stimpilgjalda.

Viðskiptaráðuneytinu
22. október 2008

http://www.vidskiptaraduneyti.is/frettir/frettatilkynningar/nr/2809

Dagar frekar en vikur

2008-10-28T07:03:00.000-07:00

Sérfræðingahópur félagsmálaráðuneytis um verðtryggingarvanda lántakenda, á að koma með álit á einhverjum dögum frekar en vikum.

Vonandi skoða þeir líka vanda fjölskyldna því lántakendur er auðvitað allir.

Guð láti gott á vita

2008-10-27T11:44:00.000-07:00

Guð láti gott á vita
Félags- og tryggingamálaráðherra felur sérfræðingum að fjalla um verðtryggingu lána
27.10.2008
Félags- og tryggingamálaráðherra hefur í dag skipað fimm manna sérfræðingahóp sem falið hefur verið að skoða hvort og þá hvaða leiðir séu færar til að bregðast við vanda lántakenda vegna verðtryggingar.

Gylfi Arnbjörnsson, hagfræðingur og formaður Aþýðusambands Íslands, er formaður starfshópsins. Aðrir fulltrúar eru Þorkell Helgason stærðfræðingur, Vilborg Helga Júlíusdóttir hagfræðingur, Edda Rós Karlsdóttir hagfræðingur og Ragnar Önundarson viðskiptafræðingur. Sigríður Ingibjörg Ingadóttir, hagfræðingur í félags- og tryggingamálaráðuneytinu, starfar með hópnum.

Ráðstafanir til að vernda fjölskyldur

2008-10-27T03:21:00.000-07:00

Úr grein eftir hagfræðingana Gylfa Zoëga og Jón Daníelsson í mogganum í dag, mánudag 27.okt.
............

Í fyrsta lagi verði sett lög sem tímabundið (t.d. í sex til tólf mánuði) verndi einstaklinga og fyrirtæki í greiðsluerfiðleikum fyrir ágangi kröfuhafa.

............

"Ég skulda alveg nóg, get ekki meir."

2008-10-26T08:07:00.000-07:00

Það var hressandi að heyra í Gunnari Sigurðssyni í Silfrinu:

„Það þarf núna að hugsa núna útfyrir kassann.
Peningakerfið sem við búum við í dag eru tilbúnar reglur, ekki náttúrulögmál. Umræðan um lausnir í dag er eins og á miðöldum, ekkert nýtt. Það á að láta almenning borga brúsann.“

Sjálfvirk lántaka um hver mánaðamót

2008-10-26T07:58:00.001-07:00

Verðtrygging virkar eins og sjálfvirk lántaka um hver mánaðamót: verðtrygging bætist við og leggst á höfuðstól.

Frysta verðtryggðu lánin líka

2008-10-26T07:55:00.000-07:00

Í Silfrinu stakk nýr forseti ASÍ upp á að:
frysta ætti verðtryggðu lánin, ekki bara gengistryggðu lánin

Hverjum gagnast gjaldþrot almennings?

2008-10-26T06:46:00.001-07:00

Egill sagði í Silfrinu áðan: Það getur ekki verið meiningin að gera íslenskan almenning gjaldþrota? Það getur ekki verið að neinn græði á því.

Ætti að breyta skuldsetningu heimilanna svo hún samsvari greiðslugetu?

2008-10-26T05:09:00.000-07:00

Úr grein í Morgunblaðinu 21.okt sl. rituð af Robert Z. Aliber sem er professor emeritus við háskólann í Chicago. Hann hefur á löngum ferli rannsakað fjármálakreppur um víða veröld.

Það er eins og engum þyki vænt um fjölskyldurnar á Íslandi.

2008-10-25T11:56:00.000-07:00

Það á að pína fjölskyldurnar til að greiða áfram af verðtryggðu skuldunum sínum. Jóhanna sagði í fyrstu viku október sem dæmi um viðbrögð ríkisstjórnar, að það gæti orðið nauðsynlegt að frysta allar lánagreiðslur heimilanna í 6–8 mánuði. Þetta lýsti fyrir þjóðinni alvarleika málsins. Alvarleikinn er enn til staðar en það eina sem boðið er upp á er skuldbreyting (með aukinni veðsetningu), niðurfellingu stimpilgjalds til áramóta og að flytja myntkörfulán til Íbúðalánasjóðs. Þeir sem lenda í vanskilum eftir áramót fá þá enga ívilnun.

11–Jón forseti trúði því að ef Íslendingar eignuðust háskóla og menntað fólk, þá yrði ekki hægt að selja vörur þrefalt dýrara á Íslandi en í Danmörku

2008-10-24T12:21:00.000-07:00

11. Hví er engin umræða í fjölmiðlafræðum og blaðamannafélaginu?

5. Niðurstaða og spurningar
....................
Niðurstaðan af því sem hér hefur verið ritað, og sundurgreint í tölulið 1 til 4, er að alvarlegt þjóðarmein, vaxtaáþján, er látið viðgangast.

En hið grafalvarlega í þessu máli er að meininu er viðhaldið með aðferðum sem benda til þess að veruleg brotalöm sé á íslensku lýðræði, nefnilega skortur á upplýsingum og umræðu.

Eftirtöldum spurningum þarf að svara:

1. Á fyrri hluta tíunda áratugarins, þegar bankar voru einkavæddir, varð gífurleg lækkun á vöxtum í Evrópu, fara þurfti 100 ár aftur í tímann til þess að finna jafn lága vexti. Á sama tíma varð sáralítil vaxtalækkun á Íslandi. Hvers vegna hækkuðu vextir hlutfallslega svo mjög á Íslandi miðað við önnur lönd á þessum tíma?
----------
2. Yfirleitt eru hugsjónafélög lögð niður eða róttækt breytt þegar þau hafa ekki lengur neitt hlutverk og/eða þegar reksturinn gengur illa. Þessi skilyrði voru ekki til staðar þegar Sparisjóðirnir voru einkavæddir. Þvert á móti gékk rekstur þeirra sérdeilis vel, og hlutverk þeirra hafði aldrei verið mikilvægara þar sem bankavextir voru óviðráðanlega háir og sparisjóðirnir gátu lánað á lægri vöxtum (vegna þess að það var mikill tekjuafgangur á rekstri þeirra).
3. Hvað hefur orðið af margboðuðum útreikningunum hagfræðideildar H.Í. af þjóðhagslegum ávinningi útrásarinnar?
----------
4. Hví hafa tölurnar frá Seðlabankanum um stöðuga versnun eignarstöðu Íslands aldrei náð inn í fjölmiðla en sífellt er þjóðinni talin trú um að íslendingar séu að eignast verðmæti erlendis? Hví er engin umræða í fjölmiðlafræðum og blaðamannafélaginu um hvort eignarhald fjölmiðlanna hafi áhrif á skrif um fjármál og vaxtamál?
----------
5. Hver er kostnaður almennings af að hafa íslensku krónuna? Hvað myndi sparast ef almenningur fengi greitt í evrum og hægt væri að taka evrulán án gengisáhættu? Hvað myndi sparast með aukinni verðsamkeppni erlendis frá- og aukinni verðvitund ef evran yrði tekin upp? Hver er hagstjórnarmáttur krónunnar, hver er ágóðinn við að hafa hana og hví er ekki reynt að setja þessar stærðir inn í reiknilíkan?
----------
6. Nú hefur gífurlegum eignum verið komið á fáar hendur á Íslandi, og samkvæmt frjálshyggjukenningum á það að leiða til aukinnar hagsældar alls almennings. Hafa þessar kenningar reynst réttar? Hvað hafa ráðstöfunartekjur aukist mikið þegar tekið hefur verið tillit til greiðslubyrði vegna ofurvaxtanna íslensku?

Tveir dánumenn hefðu orðið verulega vonsviknir ef þeir hefðu frétt af framistöðu Háskólanna á Íslandi í þessum málum, en það eru þeir félagarnir Platón og Jón Sigurðsson. Platón, stofnandi háskóla, var á móti mötun, en hvatti til umræðu og sjálfstæðrar hugsunar. Jón Sigurðsson var á móti verslunareinokun og því að miklu hærra verð þyrfti að greiða fyrir vörur á Íslandi en í Danmörku. Hann trúði því að ef Íslendingar eignuðust eigin háskóla og vel menntað fólk, þá yrði ekki hægt að selja vörur einsog lán þrefalt dýrara á Íslandi en í nágrannalöndunum.

En þar skjátlaðist honum. Menntunarstig þjóðarinnar virðist vera þannig að árum saman er hugmyndin um “Útrás” tuggð upp án þess að nokkur maður, hagfræðingur, fjölmiðlafræðingur, stjórnmálafræðingur, lögfræðingur eða viðskiptafræðingur, hirði um að kanna frumheimildirnar hjá Seðlabanka eða Hagstofu.

Andrés Magnússon, geðlæknir, reyndi að fá þessa grein birta í 5 prentmiðlum í upphafi ársins en var alls staðar hafnað. Greinin er birt í 11 hlutum.

Íslendingar í ánauð

Þess vegna kom skjaldborgin aldrei

Ríkissjóður greiðir fjármagnseigendum skaðabætur fyrir upprætta svikamyllu á meðan íbúðareigendur ofgreiða lán!

Svona bjargarðu laununum frá skuldfærslum bankanna:

Hagsmunasamtök heimilanna eru með kveikt á perunni

Skuldir Íslands og ÍslendingaEr stjórnvöldum treystandi?

Brandarinn frá því í haust: "Skjaldborg um heimilin í landinu"

Fjölgun á vanskilafólki

Úrræði fyrir skuldara

Erlend stjórfyrirtæki stjórna Íslandi í gegnum Alþjóðagjaldeyrissjóðinn

Verðtrygging er ofbeldi

Alheimsstríð lánadrottna

Ef þú ætlar að hætta að borga af skuldunum...

Hvað er að ske á fasteignamarkaðinum?

1.apríl-göbbin eru bragðlaus því fáránleikinn getur ekki toppað hinar raunverulegu fréttir

Flokkakerfi komið að fótum fram

Gjaldþrotalög í siðlausu samfélagi

Guð láti gott á vita: Viðurkenning á því að ekki er eðlilegt að heimilin beri allan skaðann af efnahagshruninu

Samfylking vill halda í verðtrygginguna

Jóhanna, hvar er skjaldborgin?

Vaknar risinn loksins?ASÍ tekur afstöðu með heimilunum

Glæpsamleg stjórnun á fjármögnun fasteigna á Íslandi

Loksins valkostir í húsnæðismálum Íslendinga?

Eru það mannréttindi að fara í gjaldþrot?

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot[úrdráttur úr grein Sverris Jakobssonar sem birtist í Fréttablaðinu í byrjun desember]

Fasteignir almennings fjármagna endurreisn bankakerfisins: Eignaupptaka.

Taka tvö Jóhanna. Eindagi.

Óvenjulega hörkuleg löggjöf um skuldara og gjaldþrot einstaklinga

Innantóm loforð um stuðning við heimilin

Íslenskar fjölskyldur hlekkjaðar til æviloka við verðlitlar eignir

Er betra að missa eignir eða þræla endalaust?

Vésteinn er hættur að borga okurlánin!

Niðurlæging þeirra sem standa í skilum, getur orðið hvað mest

Okurvaxtastefna og spilling í bankakerfinu er ekki okkur að kenna.

Húsnæði á Íslandi verðmetið á 40–50% af upphæð áhvílandi lána eftir ca. eitt ár.

Af hverju er ekki virkur húsaleigumarkaður á Íslandi eins og á hinum Norðurlöndunum?

Sannleikurinn um verðtryggingu lána á mannamáli

Verkalýðshreyfingin vill viðhalda verðtryggingu lána

Þú græðir ef þú hættir að borga?

Valdið liggur hjá skuldurum

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot

Hagkerfi sem leyfir verðtryggingu lána getur ekki talist frjálst eða á nokkurn hátt eðlilegt.

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot

Hvaða heilvita fólki dettur í hug að bjóða fólki lán til 70 ára?

Grautarhugsun ASÍ

Taktu frá pening fyrir mat áður en þú semur við lánadrottna

Lengt er í lánum. Aðalmálið er að fólk HÆTTI EKKI AÐ BORGA

Framtíð barna og ungra veðsett; skuldsettar fjölskyldur bera skaðann einar, fjármagnseigendur sleppa

Dekur við ríka—heimili hinna í gjaldþrot

Eins og plástur á svöðusár

Verðtrygging húsnæðislána er mannréttindabrot sem leiðir til frelsissviftingar og kúgunar

Fjölskyldurnar sem eiga börnin og þurfa að koma þeim til þroska

Það má halla á íbúðakaupendur, ekki lánveitendur

Áhættan áfram öll hjá lántakendum

Úrræði lífeyrissjóðanna við greiðsluvanda heimilanna

Þú missir íbúðina en færð að búa í henni í smástund í viðbót

Námsmenn í sárri neyð fá aukalán sem verða greidd út á næsta ári!

Í skálkaskjóli Sjálfstæðisflokks í 25 ár

Afnám verðtryggingar—rétti tíminn er núna!

Jóhanna. ÞINN TÍMI ER NÚNA

Samfylkingin er undir járnhæl Flokksins

FLOKKURINN hreykir sér af "öflugum aðgerðum" ríkisstjórnar til varnar heimilum: Viljayfirlýsing, leita samráðs, vakta breytingar, eitt í einu....

En hvað gera fjölskyldur þangað til?

MATARSKORTUR FRAMUNDAN

Húrra fyrir Jóni Daníelssyni og Gylfa Zoega !

Skortur á samræmi milli stofnana ríkisins (blablabla).

Fólk borið út úr íbúðum sínum að kröfu ríkisbankanna.

Hvar strandar málið um hlutakaup í íbúðum?

Hvar er greiðsluaðlögunin fyrir fjölskyldurnar?

Bankamenn bestu ráðgjafarnir? Fyrir auðmenn já, fjölskyldur nei!

Getur almenningur höfðað mál gegn Kaupþingi?

Bankamenn ráðgjafar um skuldir heimilanna?

Passa að fjölskyldur lendi ekki á götunni

Réttaraðstoð [fyrir einstaklinga] að leita nauðasamninga

Auknar veðsetningar íslenskra fjölskyldna: Aftur og nýbúinn

Bönkunum, ríkisstjórn, Seðlabanka, Fjármálaeftirliti og Alþingi að kenna, ekki venjulegum Íslendingum.

Lífeyrissjóðslán fryst í sex til tólf mánuði

Gjaldþrotalöggjöfina úr sambandi og lengið í lánum fólks og/eða kaupið af fólki.

Ævilangur þrældómur eða hætta að borga?

Alvarlegir fjárhagserfiðleikar hjá 14.000 Íslendingum fyrir bankahrun. Hver er talan í dag?

Íslenskt hagkerfi stendur og fellur með því að almenningur greiði skuldir sínar og fari ekki í gjaldþrot

[úrdráttur úr grein Sverris Jakobssonar sem birtist í Fréttablaðinu í byrjun desember]